”အနန္တလို”
မေမေ့ ပြဋ္ဌာန်းချက်တွေအောက်မှာ
လူလားမြောက်လာခဲ့သူပါ မေမေ..

ဘယ်လောက်နှုတ်နှုတ်
ဘယ်လိုစားစား
၅၂၈ အောက်တပြားသားမှမလျော့ခဲ့တဲ့
မေမေ့မေတ္တာနဲ့လွှမ်းတဲ့ဂဏန်းသချာင်္တစ်ပုဒ်ရဲ့အကြောင်း
ခေါင်းထဲကောင်းကောင်းစဉ်းစားတတ်လာတဲ့အရွယ်မှာဘဲ
ကံကြမ္မာက သားကိုမျက်နှာလွှဲရင်း ဆူးခြုံထဲပစ်ချ
သားဖောက်ခဲ့တဲ့လမ်းမှာ ခလုတ်တွေလည်းများခဲ့ရပါတယ် မေမေ…

မေမေ့ အမှတ်ပေးစည်းမျဉ်းထဲ
မင်နီတွေရဲခဲ့ရတဲ့ သား
မေမေ့အနားမရှိခဲ့တဲ့
ကျောင်းခေါ်ချိန်ပေါင်းအနှစ်နှစ်ဆယ်မှာ
လောကသင်ပုန်းကြီးကိုလည်းမကျေညက်
မေမေ့အိပ်မက်တွေပျက်ခဲ့ရတာသာအဖက်တင်
ဘယ်ဂုဏ်ထူးတန်းမှလည်းမဝင်ခဲ့သေးဘူး မေမေ..

”မုဆိုးနားနီးမုဆိုး
တံငါနားနီးတံငါ”တဲ့….
မေမေနဲ့ဝေးတဲ့သား
မုဆိုးတံငါတွေရဲ့အနားမှာ နာဖျားနေရရင်း
ညနေခင်းတွေတိုင်အောင်ငါးတစ်ကောင်မှမမိ
ပစ်ချက်တိုင်းမှာလည်းအမဲတစ်ကောင်မှမထိ
ရှိစုမဲ့စုမာနတွေသာ တတိတိနဲ့ပွန်းပဲ့လာခဲ့ရတယ် မေမေ…

”လူသေရင်လူပြန်ဖြစ်နိူင်ပေမယ့်
သိက္ခာသေရင်သိက္ခာပြန်မဖြစ်နိူင်ဘူး”သား
မေမေမှာကြားခဲ့တဲ့စကား အခါခါကြားယောင်ဆဲမို့
မေမေ့လက်ဆောင် အဖြူရောင်ဝတ်စုံလေးကိုမချွတ်တမ်းဝတ်ရင်း
သားဟာ…လောကစစ်တလင်းမှာ
မိသားစုတစ်ခုကိုဦးဆောင်လို့ကြီးပြင်းပါတယ် မေမေ…

ဘယ်လိုဘဲဖြစ်ဖြစ်
ဘာတွေဘဲဖြစ်ဖြစ်
မေမေသိပ်ချစ်တဲ့သား မေမေ့ကိုသိပ်ချစ်တဲ့သား
လောကပါလတရားကိုဘဲလက်ကိုင်ထားပါတယ် မေမေ…

ပြက္ခဒိန်ပေါ်ကစာရွက်တွေမှာ
အမေများနေ့ဆိုတာက တစ်နှစ်မှာမှတစ်ရက်တည်းသာရှိပေမယ့်
မေမေ့အချစ်များနဲ့ဖွဲ့နှောင်ထားတဲ့
သားရဲ့နှလုံးသားပြက္ခဒိန်မှာတော့ မေမေနေ့တိုင်းရှိနေတာပေါ့ မေမေ….

မေမေပေးခဲ့တဲ့မေတ္တာကသမုဒ္ဒရာမက
သားပြန်ပေးနိူင်တာကအဆင်တန်ဆာမလှတဲ့
ဟောဒီကဗျာတစ်ပုဒ်တည်းရယ်ပါ မေမေ
ဘယ်လိုဆပ်ဆပ်ကြေမှာမဟုတ်မှန်းသိနေတဲ့မေမေ့ကျေးဇူး
မြင့်မိုရ်ထက်မကမြင့်မားဖူးခဲ့တာမို့
အနန္တဆိုတာထက်ကြီးမြတ်တဲ့စာသား
သား..နှလုံးသားထဲမှာမေမေ့အတွက်သိမ်းဆည်းထားပါရစေ
”အနန္တလိုကြီးမြတ်သော မေမေ အမြဲနေကောင်းပါစေ”…။

အဝေးကမေမေအတွက်ရေးဖွဲ့ထားတာပါ..မနေ့နေ့လည်ကတည်းကတင်ဖို့ကြိုးစားခဲ့ပေမယ့်
ဒီမနက်မှဘဲတင်ဖြစ်တော့တယ်…အမေနဲ့ဝေးနေသူအားလုံးအမေ့ကိုချစ်သူအားလုံး အမေ့နှလုံး
သားကိုမြင်အောင်ကြည့်တတ်ကြ ကြည့်နိူင်ကြပါစေ။