"ဘယ်တော့မှမမေ့ဘူး"

"ဘယ်တော့မှမမေ့ဘူး"
ခွေးရူးကောင်းစား တမွန်းတည့်တဲ့
ခွေးရူးတွေကောင်းစားတဲ့ တမွန်းက
 တည့်ပဲတည့်လို့ မဆုံးနိူင်တော့ဘူး....
 မွန်းတည့်ချိန်မှာ နေဝင်လိုက်လို့ ရရင်
 သိပ်ကောင်းမှာပဲ...
နေဝင်ချိန်တွေရောက်ဖို့ နဲ့ 
နေထွက်ချိန်တွေဆီကိုပြန်ရောက်ဖို့ 
မေတ္တာဆိုတဲ့ တံခါးပေါက်တွေကို
 ပိတ်သင့်ရင် ပိတ်ထားရမှာပဲ....
သေနတ် သံတွေနဲ့ 
 ငါတို့ မိသားစုတံခါးပေါက်တွေ ရိုက်ချိုးခံခဲ့ရတဲ့
 နေ့ တွေကို
 ငါတို့ မေ့ ပစ်ဖို့ မဖြစ်နိူင်ဘူး.....
 စစ်ဖိနပ်သံတွေအောက်
 ငါတို့ တရွာလုံး တမြို့ လုံး
 ကျီးလန့် စာစားဘဝမျိုးနဲ့ ကြောက်လန့် ခဲ့ရတဲ့ ညတွေကို
 ငါတို့ မေ့ပစ်လို့ မဖြစ်ဘူး.....
နှစ်ပေါင်း၅၀ကျော်မှာ
 လူသန်းပေါင်းများစွာရဲ့ ဘဝတွေ ပြာကျသွားတာ
မေ့ပစ်စရာလား.....
နှစ်ပေါင်း၅၀ကျော်မှာ
 တနိူင်ငံလုံးရဲ့ မြေဆီလွှာနဲ့ သဘာဝတုံးသွားတာ
မေ့ပစ်စရာလား.......
 လင်ကုန်ရှုံး တသက်ဆိုတဲ့စကားလိုပဲ
 အစိုးရကုန်ရှုံးတော့ တတိုင်းလုံးတပြည်လုံးဆုံးတယ်...
 ၆၂ခုနှစ်ကို မမေ့ဘူး
 ၇၄ခုနှစ်ကိုလည်း မမေ့ဘူး
 ၈၈ခုနှစ်ကို မမေ့ဘူး
 ၉၀ကိုလည်း မမေ့ဘူး
၂၀၀၃ခုနှစ်ကို မမေ့ဘူး
၂၀၀၇ကို မမေ့ဘူး
၂၀၀၈နာဂစ်ကိုလည်း မမေ့ဘူး....
 ကုန်ကုန်ပြောရရင်
သွေးစွန်းပေကျံရစ်ခဲ့တဲ့ ဘယ်နှစ်ကိုမှမမေ့သလို
 စစ်ပဒေသရာဇ်တွေအားလုံးနဲ့  စစ်ကိုလည်းမုန်းတယ်...
 တခါတရံမှာ
 လိုအပ်ရင်တော့
 မုန်းတဲ့စစ်ကို မုန်းတဲ့စစ်နဲ့ပြန်အဆုံးသတ်ရမှာပေါ့....
 ငါတို့ ဆုံးရှုံခဲ့ရသမျှတွေအတွက်
နောင်သံသရာ အဆက်ဆက်
 ဘယ်တော့မှမမေ့ဘူး
 ဘယ်တော့မှ မမေ့ဘူး
 ဘယ် တော့ မှ မ မေ့ ဘူး............
 ဆောင်းယွန်းလ

"သက်ငြိမ်"

ကိုယ့်အထင်နဲ့ ကိုယ်မှာ
ကိုယ့်ကုတင်က
ခြေတချောင်းပြတ်....

ရွှေနန်းထက်ရောက်ဖို့ ထက်
သေပန်းမပျက်ဖို့ ကိုပဲ စိတ်ဝင်စားမိတယ်....

မှန်ကိုကြည့်ရင်း
ရေပြင်ကိုငေးရင်း
ကိုယ့်အတွေးကိုယ်ကြည့်ငေးရင်း
ဖြေးဖြေးချင်းဆွဲမိတဲ့ ကောက်ချက်မှာ
ကြောက်မက်စရာ က်ြခြေခတ်တွေကပြည့်လို့ ..

နေ့ ဖို့ ချန်ထားတဲ့ ညစာမှာ
အသားပါမလား ငါးပါမလား
တရားပါမလား ဓါးပါမလား
အမှားပါမလား မြားပါမလား....

မျှားနေတဲ့ အိပ်မက်ထဲမှာ
စံပယ်ပန်းတွေ ပွင့်ချိန်တန်လှပေါ့....

ခေါင်းတမော့်မော့်နဲ့ 
လူတွေ လူတွေလို့ ကြွေးကြော်လိုက်တိုင်း
ကိုယ်ဘာကောင်လဲလို့  တွေးခေါ်မိတတ်ပြီ....
လူဟာ
လူသာမို့ 
လူလို့ 
ပီပီသသ
တလုံးတည်းရေးချချင်ပါတယ်.......

“နားနားပြီး မှားကြရအောင်”

ကမ္ဘာကြီး လုံးတယ်လို့တော့ ပြောကြတာပဲ
တခုခုတော့ မှားနေတယ်…

ကမ္ဘာကြီး ပြားသွားပြီလို့ ပြောကြတာပဲ
တခုခုတော့ မှားနေတယ်….

ဖတ်လစ ရေးနေဆဲ အခန်းဆက်ဘ၀တွေလည်း
လုံးလိုက် ပြားလိုက် မဲလိုက် ပြာလိုက်နဲ့
တခုခုတော့ မှားနေတယ်….

မလုံးမပြား (လေးထောင့် သုံးမြှောင့် အဖြောင့် အချွန်)
သို့တည်းမဟုတ်တဲ့ တခြားတခုခုမှာလည်း
တခုခုတော့ မှားနေတယ်…..

ငါးစာချရာ ငါးပွက်လိုက် ငါးပွက်ရာ ငါးစာချလိုက်
မီးလောင်ရာ လေပင့်လိုက် လေပင့်ခိုက် မီးလောင်လိုက်နဲ့
တခုခုတော့ မှားနေတယ်…..

နှစ်တနှစ်ကူးခါနီးတိုင်း
လူချင်းနီးအောင် လမ်းချင်းမီးညှိနေကြပေမယ့်လည်း
စိတ်တွေကို မီးမကူးပြန်ဘူး
တခုခုတော့ မှားနေတယ်….

မထူးခြင်း မခြားခြင်း မနားခြင်း
မထူးမခြားမနား (ထူးမခြားနားခြင်းမှာ)
နားနားပြီး မှားကြရရင်မကောင်းဘူးလား……။

ဆောင်းယွန်းလ

“မီးခိုးရောင် သီချင်း”

ဆုတောင်းခြင်းနားနီးလို့ လူဖြစ်ခဲ့ရ
ကာရံနားနီးလို့ ကဗျာတွေဖြစ်ခဲ့ရ
မြစ်ချောင်းနားနီးလို့ တံငါဖြစ်ခဲ့ရ
တောတောင်နားနီးလို့ မုဆိုးဖြစ်ခဲ့ရ…

ဖိနှိပ်သူနားနီးတော့ သူပုန်ဖြစ်ခဲ့ရပေါ့….

လမင်းနဲ့နီးနေပါရဲ့နဲ့
အလင်းတပြက်မျှ မလက်ခဲ့သေးဘူး
ကြယ်တွေစုံနေပါရဲ့နဲ့
စံပယ်ငုံ မဖူးခဲ့သေးဘူး….

လူ့ဘုံရဲ့ ဘ၀အခန်းထဲမှာ
မညီမျှခြင်းတွေပဲ ပင့်ကူအိမ်ဖွဲ့နေခဲ့လို့…

နှစ်တနှစ် ကူးသွားတိုင်း
ငါ့ရင်ဘတ်အကိုင်းမှာ ဆူးတွေအပြိုင်းအရိုင်းနဲ့…။

“တရွက်ချင်းပြန်လှန်ဖတ်မိတဲ့ အသိ”

“တရွက်ချင်းပြန်လှန်ဖတ်မိတဲ့ အသိ”

အရေပြားကို ခပ်စိမ်းစိမ်း ထိုးထိုးစိုက်နေတတ်တဲ့

အစိမ်းရင့်ရောင် လေအေးတွေက

အမှတ်သညာနဲလွန်းတဲ့ ခန္ဒာကိုယ်ပေါ်ကိုမှ

မနက်ခင်းမှာလန်းတဲ့ ပန်းတွေလို ပွင့်ချနေကြပြန်တယ်…..

အဲဒီမှာ…

ပါးလျပိန်သွယ်လွန်းနေတဲ့ လက်ချောင်းတွေထဲက

တစက်ချင်း စီးကျလိမ့်ဆင်းသွားတဲ့ သီချင်းကို

လေပူပေါင်းတလုံးရဲ့ ပေါက်ကွဲသံလို တီးခတ်ပစ်ခဲ့လိုက်နိုင်တယ်…

အဲဒီမှာ…

အရောင်မွဲမှိန်နေတဲ့ မိုးတိမ်နံရံတွေပေါ်မှာလည်း

စိန်ရတု ပတ္တမြားရတုဆိုတဲ့ တံဆိပ်လှလှတွေကပ်ပြီး

ဆီမီးထိန်ထိန် ထွန်းချင်ထွန်းထားခဲ့နိုင်တယ်….

အဲဒီမှာ….

အရိပ်ထက်ရှည်လျားတဲ့ ခြေထောက်တွေထဲက

ထွက်ကျလာတဲ့ ခရီးမိုင်တွေကိုလည်း

ဒိုင်ယာရီထဲက အပြီးအပိုင်ဖယ်ထုတ်ပြီး

အတိတ်ဆိုတဲ့ လူ့သမိုင်းကို ချောက်နက်ထဲပစ်ချထားခဲ့နိုင်တယ်….

အဲဒီမှာ..

ဇာတ်ဝင်ခန်းရဲ့ ပူဆွေးသောကနဲ့ အလွမ်းတွေကို

ဟာသသရုပ်ဆောင်တယောက်ရဲ့ ပြက်လုံးတချို့နဲ့ အစားထိုးဖို့

ဇာတ်သိမ်းပိုင်းကို ဇာတ်ညွှန်းခွဲလို့မပြီးသေးဘူး….

ဟောဒီ..

ရွေးချယ်စရာတွေများလွန်းတဲ့ ကမ္ဘာမှာ

တန်ဘိုးမရှိတဲ့ ကံကြမ္မာကိုဈေးဝယ်ထွက်ရတာ အခြောက်သွေ့ဆုံးပဲ…

ပျောက်…ပျက်…ကုန်…လွယ်လွန်းခဲ့တဲ့

လူ့ဘ၀ သက်တမ်းတ၀တ်ကျော်ကျော်အတွက်

ပုခက်လွှဲတဲ့ အမေ့ရဲ့လက်တွေညောင်းခဲ့တာပဲ အဖတ်တင်ခဲ့တယ်….။

ဆောင်းယွန်းလ (ဒီဇင်ဘာ ၄ရက်၊ ၂၀၁၃ခုနှစ်)