Monday, November 10, 2008


”စိတ်ညစ်နေသူမဖတ်ရ”

တချိန်တုန်းဆီက
တစုံတရာအတွက်
အနီရဲဆုံးသင်ပုံးတစ်ချပ်ပေါ်မှာ
တန်ဘိုးအရှိဆုံးသောကဗျာတစ်ပုဒ်ကို
အနက်ရှိုင်းဆုံးသောစကားလုံးတွေရွေးထုတ်ရင်း
အပြင်းပြဆုံးနှလုံးသွေးတွေနဲ့ရေးခဲ့ဖူးတယ်…

ရာသ်ီရဟတ်တစ်စင်းက
မနက်နဲ့ညနေခင်းတွေကို
ဖြတ်ချွေနင်းချလာတာနဲ့အမျှ
ပခုံးပေါ်ကြွေကျလာတဲ့
အနှုတ်လက္ခဏာတွေကဝေဝေဆာဆာ
ဟိမဝန္တာတောင်ကြီးတစ်လုံးစာမက…

အခုအခါ…
ကိုယ့်အထာနဲ့ကိုယ်
ဟောဒီရင်ဘတ်ကြီးထဲမှာ
မျက်ရည်တွေပြိုကျနေတာ
ဘယ်သူမှမသိရှာကြဘူး…

အိမ်ခေါင်မိုးပေါ်မှာနားခို
အငိုမျက်ရည်စတွေကိုဝှက်
အပြုံးယှက်ထားတဲ့ငှက်တွေတောင်
သူတို့ဘာသာဗေဒနဲ့သူတို့….

ကိုယ့်ဒေသနာကိုယ်ရှာရင်း
သိင်္ဂါရမြစ်တစ်စင်းပေါ်မှာ
ကူးခတ်ဖို့ရာအတွက်
အိပ်မက်တွေသာအခါခါမက်ခဲ့ဖူး…

ခါချဉ်ကောင်မာန်ကြီးလို့
တောင်ကြီးကိုဖြိုမယ်ကြံ
ခါးကမသန်ဖြစ်နေတော့
တခါတခါ
ဘယ်လက်ရုံးရဲ့
ခေါင်းတရွက်ကိုမျှော်တယ်
တခါတခါ
ပြည်နှင်ဒဏ်ကိုမျှော်တယ်
မကြာမကြာ
”ကပ်ဆိုက်နေတဲ့ကမ္ဘာကိုဝယ်ရန်”
”မနက်ဖြန်တွေကိုဝယ်ရန်” အတိတ်နဲ့
အနှစ်၂၀ကျော်ကျော်ထိုးလာတဲ့
တစ်စောင်တည်းသောထီကိုမျှော်တယ်…

တကယ်ဆိုရင်
ကိုယ်က
ခပ်ပျော်ပျော်လူသားတစ်ယောက်ဘဝနဲ့ဘဲ
သုညတစ်လုံးထဲတွဲလွဲခိုချင်နေတဲ့ကောင်….

6 comments:

ဟန်လင်းထွန်း said...

”ကပ်ဆိုက်နေတဲ့ကမ္ဘာကိုဝယ်ရန်”
”မနက်ဖြန်တွေကိုဝယ်ရန်” အတိတ်နဲ့
အနှစ်၂၀ကျော်ကျော်ထိုးလာတဲ့
တစ်စောင်တည်းသောထီကိုမျှော်တယ်…

ပေါက်မှာပါအကို ယုံကြည့်ချက်တိုင်းသားဆက်ထိုး ကိုယ့်အလှည့်ဆိုတာ ရှိပါတယ်

လေးစားလျှက်

Chaos said...

မျှော်လင့်ချက်တစ်ခုနဲ့ အသက်ရှင်နေရတဲ့ဘ၀မှာ မျှော်လင့်ချက်မရှိတော့ရင်...................

ယောနသံစင်ရော် said...

ကျမလည်း….

”မနက်ဖြန်တွေကိုဝယ်ရန်” အတိတ်နဲ့
အနှစ်၂၀ကျော်ကျော်ထိုးလာတဲ့
တစ်စောင်တည်းသောထီကိုမျှော်တယ်…

ဒီစာပိုဒ်လေးကို အရမ်းနှစ်ချိုက်မိပါတယ်။

Nyein Chan Aung said...

စိတ်ညစ်နေသူ မဖတ်ရဆိုတော့ ကြည့်နေတဲ့ မျက်လုံးတွေတောင် တွန့်သွားတယ်ဗျာ.. ဟဲဟဲ..။ ကဗျာကောင်းတယ်ကိုဆောင်း.. အောက်ဆုံးအပိုဒ်ကနေ ကဗျာဆရာ ရဲ့ တစိတ်တဒေသကို ဖတ်သွားပါတယ်။။

ကိုအောင် said...

အကို ကဗျာစာသားလေးတွေ အရမ်းကောင်းတယ်ဗျာ
အားပေးလျက်ပါ။

ATN said...

ညီရေ့ အသက်ရှူသံတွေက တထပ်ထဲပါပဲလား....