"""""' စိတ်ကူးကိုကျော်ပြီးမှ မြို့ရောက်နိုင်တယ် "

စိတ်ကူးထားတဲ့ အနာဂတ်ကို ထိုင်ကြည့်ဖို့အတွက်
အတိတ်အိပ်မက်ကို လက်မှတ်မဖြတ်ခဲ့ရသေးလို့.....

ရိက္ခာမဝတဲ့ အတိတ်ကာလရဲ့
မီးတောက်နေတဲ့ ခေါင်းထဲမှာ
ခရီးမပေါက်တဲ့ ခေါင်းတွဲကို ဆဲရေးတိုင်းထွာနေခဲ့မိသလို
ထီးပျောက်နေတဲ့ မိုးကိုလည်း သူခိုးလို့စွပ်စွဲနေခဲ့မိတယ်...

ပစ္စုပ္ပန်မှာ
ကမ္ဘာဟာ ရွာသာသာပဲ ကျန်တယ်ဆိုပေမယ့်
ဇာတိနဲ့ ခြေဦးမတည့်ခဲ့တဲ့ သက္ကရာဇ်တွေမှာ
ဘဝကို ခက်ဆစ်ဖွဲ့ဖို့ ခက်ခဲခဲ့သလို
အရင်လိုနက်နဲတဲ့ အားအင်တွေက
ပါးပြင်ပေါ်ကနေ ဇရာရဲ့သင်္ကေတအဖြစ်နဲ့ ကွာကျခဲ့ရတယ်...

အလံဖြူထောင်ထားတဲ့ အရပ်မှာ
နေဝင်တာကို ထိုင်ကြည့်ချင်မိသူရဲ့ စိတ်ကူးဟာ
ကမ္ဘာထက်ကျယ်သလို ပင်လယ်ထက်လည်း နက်ရှိုင်းခဲ့ပါတယ်...

ဝါကျမဆုံးခင်အထိတော့
မင်နီကြက်ခြေခတ်တွေနဲ့...ငါဟာ..
မြို့ကိုတည်ဆောက် လမ်းဖောက်နေရဦးမှာပဲ...

လမ်းဆုံးမှာ
မြို့ဟာ သူ့အဘိဓမ္မာနဲ့သူပေါ့..။         ။

“ငါ့ကဗျာမှာ Blah Blah Blah တွေမပါဘူး”

နောက်ကျောကို တေ့တေ့ပြီးပစ်နေတဲ့ စကားလုံးတွေက
ရှေ့တည့်တည့်ရောက်ရင် ငြိမ်းချမ်းနေတဲ့ မြစ်တစင်းပဲ
အလုပ်အကိုင်မရှိတာတောင်
လုပ်စရာနဲ့ ကိုင်စရာကတော့ တခုခုရှိနေတာချည့်ပဲ
ရောက်တတ်ရာရာကို အမြဲတမ်း အကဲစမ်းနေတဲ့ စိတ်တွေက
ရေမရောတဲ့ အပျိုစင်စစ်တယောက်ကို သန္ဒေတားဆေးကြွေးထားတယ်
အကြည့်တွေ နောက်ကျိနေတဲ့ အောက်ကလိအာ လက်သရမ်းမှုဟာ
ဖလမ်းဖလမ်းထနေတဲ့ လူယဉ်ကျေးကြော်ငြာဆိုင်းဘုတ်တခုကို
လူလစ်တဲ့ ဖြတ်လမ်းတနေရာမှာ မသိမသာခိုးချိတ်ထားပြီး
မနက်ခင်းတွေကို ဂုဏ်တော်ပုတီးစိတ်ပြလိုက်တယ်
နားနားနေနေ သွားသွားလာလာ ကျဉ်းမြောင်းလာတဲ့ ကမ္ဘာမှာ
လက်တွေ့ကို မာယာနဲ့ Blah Blah Blah လှည့်ဖြားထားပြီး
အိပ်မက်တွေကိုတော့ အားပါးကလပ်စ်မှာ လေယာဉ်လက်မှတ်ဖြတ်ထားတယ်
ယောင်ရမ်းသမ်းဝေမှုတွေမှာ အမြီးတပ်ထားတော့
ခပ်ကျော့ကျော့နေပြနိုင်ရင် ခပ်ပေါ့ပေါ့မဟုတ်သလိုပေါ့
တစုံတခုကို မြှောက်တင်လိုက်ပြီး လက်နှစ်ချောင်းထောင်ထောင်ပြလိုက်ရင်
ခင်မင်ရာခင်မင်ကြောင်းမှာ နှစ်နာရီလောက်တော့ လုံလောက်တယ်
ညက နေ့ကိုချောင်းမြောင်းနေသလိုမျိုး
သွေးတိုးနေတဲ့ ခွေးသူခိုးတွေကလည်း ဓလေ့ကို အရွေ့ဆိုပြီး ရွှေ့ဖို့ကြိုးစားတယ်
လူစုံတက်စုံဖြစ်ပြီဆိုရင် အဲဒီအကြောင်းကိုချည့်ပြော
မမောနိုင် မပမ်းနိုင် ပန်းတိုင်ရှိစရာမလိုဘူး
ရင်ဘတ်နဲ့ နောက်ကျောမှာ ချောင်းကြည့်ပေါက်တစုံစီဖောက်ထားပြီး
မီးတောက်နေတဲ့ ခရီးကို ထီးအပေါက် ဖိနပ်အပြတ်နဲ့ ဒရွတ်တိုက်ဆွဲ
နောက်ဆုံးပေါ်ဟန်းဆက်ကို လက်နဲ့ဟိုပွတ်ဒီရွှေ့လုပ်တတ်ရင်ရပြီ
ခလုတ်တိုက်ပြီး ချော်လဲရင် မီးမလာတဲ့ နာရီတွေကိုသာ အော်ဆဲလိုက်ကြ
အနိမ့်အမြင့်အတက်အကျ ရစ်သမ်မညီမျှတဲ့ မပီမသဂီတနဲ့
မနေ့တုန်းက ဘလာ ဘလာ ဘလာ ဒီညလည်း ဗလာ ဗလာ ဗလာ
ငါ့ကဗျာမှာ Blah Blah Blah တွေမပါဘူး…..။           ။

“ဘဝမှာ….”


ဘဝမှာ…
အထိမ်းအမှတ်တွေကို ခပ်များများသိမ်းမထားချင်သလို
အမှတ်တရတွေကိုလည်း ခပ်ပါးပါးပဲထားချင်တယ်….

ဘဝမှာ..
လူထူထူအရပ်ထဲ စကားပူပူတွေ နားဆူအောင် မပြောချင်ဘူး
တကိုယ်ရည်ရူးသွပ်မှုသံစဉ်ခပ်ပါးပါနဲ့ပဲ နားအေးချင်တယ်….

ဘဝမှာ..
တစုံတရာကိ်ု ဦးညွှတ်ချင်တဲ့အခါတိုင်း သမိုင်းစာအုပ်ကိုပြန်လှန်ဖတ်ပြီး
အတိတ်လှေခါးထစ်တွေကို တဆစ်ဆစ်အိပ်မက်မက်ချင်တယ်…

ဘဝမှာ..
အတိတ်ခေတ်ရဲ့ အမျိုးသားတယောက်ကို လေးစားချစ် ချစ်ခဲ့ရပြီး
လက်ရှိခေတ်ရဲ့ အမျိုးသမီးတယောက်ကို အလေးထားချစ် ချစ်နေမိတယ်…

ဘဝမှာ…
မကြာမကြာရစ်တတ်တယ်လို့ ပြောတတ်သူတယောက်အကြောင်းကို
တခါတရံပေါင်းများစွာ အထပ်ထပ်ပြန်တွေးနေချင်မိတယ်…

ဘဝမှာ..
သတိတရလှုပ်နှိုးတတ်တဲ့ ကိုယ့်ရဲ့အသံသီချင်းနဲ့
တယောက်သောသူရဲ့ အိပ်ပျော်နေတဲ့နံနက်ခင်းတွေကို လင်းစေချင်တယ်…

ဘဝမှာ…
တစုံတယောက်ကို သတိရမိတဲ့ ညနေခင်းတွေတိုင်း
သက်မဲံ့ဓာတ်ပုံတချို့ထဲက အလှအပြုံးတွေထဲမှာ ကဗျာစပ်ချင်တယ်….

ဘဝမှာ
ကိုယ့်ကိုကိုယ် သတိရမိတဲ့အခါတိုင်း
စိတ်ဒဏ်ရာတွေကို ကော်ဖီတခွက်ထဲမှာ ထည့်သိပ်ပြီး
အရိပ်ဆိုးတွေထဲက လက်ရှိဘဝကို တိတ်တခိုး မီးမှိတ်ချင်တယ်..

ဘဝမှာ…
အလျော်အစားမရှိတဲ့ နားလည်မှုစားပွဲဝိုင်းတခုမှာ ထိုင်ရင်း
အရုဏ်ရဲ့ ဂီတကို ညီညီမျှမျှ စည်းချက်လိုက်ချင်တယ်…

ဘဝမှာ..
အပေးအယူမရှိတဲ့ ဖေးကူမှုစားပွဲဝိုင်းတခုမှာထိုင်ရင်း
ဆည်းဆာရဲ့ ဂီတကို ပီပီသသဆိုပြီး ကြည်ကြည်မြမြတီးခတ်ချင်တယ်…

ဘဝမှာ….
လွဲမှားစွာကွဲပြားနေတဲ့ အစွဲများစွာကို ကြယ်သီးတပ်ပြီး
ရင်ဘတ်ချင်းအတူတူထပ် တရားဒေသနာရှုမှတ်ချင်တယ်….

ဘဝမှာ..
အဝေးဆုံးဝေးခဲ့ရတဲ့ တိုင်းပြည်နဲ့ အနီးဆုံးနီးချင်ပြီး
မပြီးဆုံးသေးတဲ့ ပန်းချီကားတချပ်ကို ငြိမ်းချမ်းစွာလက်စသပ်ချင်နေမိတယ်…

ဘဝမှာ…ဘဝမှာ……ဘဝမှာ…….။      ။

“၂၀၁၂ ဒိုင်ယာရီထဲက ငါ့အပိုင်းအစတွေ”

ကိုယ်မပိုင်တဲ့ အခန်းထဲက
ကိုယ်ပိုင်အရှုပ်အထွေး အဟောင်းအဆွေးတွေရဲ့ကြားမှာ
ခေါင်းမအေးနိုင်တဲ့ ငါ့စီးပွားရေးက ချွေးထွက်နေပြီး
မပြောင်းသေးတဲ့ အဝေးနိုင်ငံရေးက အေးစက်နေတယ်…

အိပ်ရေးပျက်နေတဲ့ အတွေးထပ်ခိုးပေါ်မှာ
ကိုယ်မပိုင်တဲ့ ဇယားတွေကမိုးရွာပြီး ဗွက်ရှုပ်နေတော့
ဘုရားတရားလည်း မလုပ်ဖြစ်ခဲ့ပါဘူး…

ကျန်းမာရေးအကြောင်းကို ခေါင်းထဲကထုတ်ပြီး
မသေရုံထမင်းတလုပ်နှစ်လုပ်တော့ ဟုတ်ဟုတ်မဟုတ်ဟုတ်စားဖြစ်နေတယ်…

တခါတခါ လူသူရူးတွေရဲ့ မြှားပစ်ချက်တွေကြောင့်
လူမှုရေးက ဘယ်ဘက်ရင်အုံဘေးကို ဆောင့်ဆောင့်ပြီးအောင့်တယ်….

စောင့်သိရမယ့်တရားနဲ့ စကားတွေကို မေ့ထားတတ်တဲ့အသိုင်းအဝိုင်းကြားမှာ
ငါ့ဒဿနတွေက အရင်ထက်ပိုခါးလာသလို
မလိုအပ်တဲ့ အမှတ်တရတွေက တနှစ်ထက်တနှစ်ပိုများလာကြတယ်…..

ဒီလိုပါပဲ
အိမ်ထောင်ရေးခန်းဆီးစက နားလည်မှုချုပ်ရိုးစုတ်လာတော့
ဘာလုပ်လုပ် ကံမကောင်းသလို
ရုပ်ဆင်းအဂါင်္ကလည်း သံချောင်းလိုမာလာတယ်..

ဒီလိုနေ့တွေမှာ..
ဧည့်သည်ဆန်တဲ့ လေပြေညင်းတချို့တလေကတောင်
ငါ့အခန်းပြတင်းကို ကွေ့ရှောင်လို့ မတွေ့အောင်နေကြပြီး
အမနာပသတင်းတွေကတော့ ငါ့နေ့တွေကို အမှောင်ချထားကြတယ်…

အဲသလို…….
နေရင်း ထိုင်ရင်း ကြေကွဲရင်း သေခဲရင်းနဲ့ပဲ
ကဗျာဆန်တဲ့ မြန်မာဟန်တွေနဲ့ ဝေးရာအရပ်မှာ
ကဗျာမဆန်တဲ့ ဟောဒီလိုနေ့ရက်တွေနဲ့
ကမ္ဘာကို ဘယ်လောက်ကြာကြာ ပွေ့ဖက်ထားရဦးမှာလဲကွယ်……။               ။

“ငါ့နှလုံးသားကို တရွက်ချင်းလှန်ဖတ်ပါ ဂျူလီယာ….”

ငါ့ကဗျာတွေက နင့်မျက်နှာပေါ်မှာ အိပ်ပျော်နေတာကြာပြီမို့
ငါ့နှလုံးသားကို တရွက်ချင်းလှန်ဖတ်ပါ ဂျူလီယာ….

ဘယ်ရောက်ရောက်ဘယ်ပေါက်ပေါက် ဘယ်သူသိသိမသိသိ
ကိုယ့်အမှန်တဲကိုယ်ငြိနေမိတဲ့ ညမီးခိုးတွေကို မျိုးပွားရင်း
နေရောင်ခြည်ထဲကို သက်ပြင်းတွေမှုတ်ထုတ်လိုက်တော့
အရာမရောက်တဲ့ မျက်ရည်တပေါက်က
နှလုံးသားရဲ့ အပေါ်ဆုံးအလွှာကို
အလိုအလျောက်ရောက်သွားတယ်ဆိုတာ နင်သိပါရဲ့လား ဂျူလီယာ….

ငါနင်းလျှောက်သွားတဲ့ လမ်းမတွေဟာ
နင်ဘယ်တုန်းကမှ မရောက်ခဲ့တဲ့ လမ်းမတွေပဲပေါ့…

တကယ်တော့ ပျော်ရွှင်မှုဆိုတာ ဆပ်ပြာပူပေါင်းတွေပါ ဂျူလီယာ….

သောကငှက်တွေ အတောင်ညောင်းမယ့်ရက်ကို
ငါ့လက်ချောင်းတွေနဲ့ ခဲရာခဲဆစ်ရေတွက်ရင်း
စည်းမျဉ်းတချို့ကိုချိုးဖောက်လို့
ကိုယ့်ကိုကိုယ် သစ္စာဖောက်နေတဲ့ စက္ကန့်တွေမှာ
ငါ့ကိုယ်ငါထက် ငါနေတဲ့ကမ္ဘာကို ပျက်သုဉ်းစေချင်နေခဲ့တယ် ဂျူလီယာ….

ဒီလို လူသားဆန်တဲ့ အတ္တတချို့ကိုပဲ
မက်မက်စက်စက် ထုဆစ်နေခဲ့ရင်း ကိုယ့်ကိုကိုယ်ညီမျှခြင်းချခဲ့လို့
ကိုယ်နဲ့ထိုက်တန်တဲ့ နေ့တွေကိုပြန်ရခဲ့တာ ဆန်းသလား ဂျူလီယာ….

ငါ့အတွက် နင်မရယ်ပါနဲ့ မငိုပါနဲ့
ငါ့အကြောင်းကို နင်…ခေါင်းမစားပါနဲ့ သချာင်္မတွက်ပါနဲ့
ငါ့သောကကို နင်….မပူပါနဲ့ မယူပါနဲ့
ငါ့ပျော်ရွှင်မှုအတုကို နင်..ဂရုဏာမသက်ပါနဲ့ စိတ်မပျက်ပါနဲ့
ငါ့လမ်းကို နင်….မရောက်စေနဲ့ မလျှောက်လေနဲ့
ငါ့စကားကို နင်…..မကြားယောင်နဲ့ နားမထောင်နဲ့
ငါ့အမှောင်အတွက် နင်…မီးမဖွင့်ပါနဲ့ ခရီးမဖင့်ပါနဲ့
ငါ့အလွမ်းတိမ်တိုက်တွေထဲ နင်…မပျံဝဲလေနဲ့ အလံမလဲစေနဲ့ ဂျူလီယာ….

တကယ်ဆို..ငါက
အစမရှိတဲ့အဆုံးကိုရောက်ဖို့ အဆုံးမရှိတဲ့အစကိုရှာရင်း
ဒဏ်ရာကို ပြတိုက်မှာတင် အသက်ငင်နေသူတယောက်ပါ
ငါ့ပြပွဲအတွက် နင့်မျက်ရည်နဲ့ လက်မှတ်မဖြတ်ပါနဲ့ ဂျူလီယာ….

အဲဒီ ငါ့ရဲ့နက်မှောင်လွန်းတဲ့ ဒဏ်ရာတွေအတွက်
နင့်မနက်ခင်းတွေကို အစွန်းထင်းမခံစေချင်လို့ပါ
နင့်အိပ်စက်ချိန်တွေကို မပွန်းပဲ့စေချင်လို့ပါ ဂျူလီယာ...

အရာရာအားလုံးကို အဆုံးမသတ်ချင်လို့
ဒီအတိုင်းပဲထားလိုက်တော့ အရင်အတိုင်းပဲရှိပါစေကွယ်…

ငါက
ငါ့ဒဏ်ရာတွေအတွက် နင့်ကို အသက်မငင်စေချင်သူပါ ဂျူလီယာ
ငါ့ရဲ့တိတ်ဆိတ်တဲ့ ချစ်ခြင်းတွေနဲ့ပဲ နင့်ကို အသက်ရှင်စေချင်သူပါ ဂျူလီယာ…..။              ။