Sunday, January 4, 2009

”တိုက်ပွဲ”
ငါတို့က..
ယုံကြည်ချက်တွေကိုအိတ်ထဲထည့်ပြီး
ညစဉ်မက်အိပ်မက်တွေလိုမက်ရတာထက်
ယုံကြည်ချက်တွေကိုပခုံးပေါ်ထမ်းပိုးရင်း
တလမ်းဝင်တလမ်းထွက်
အခါမလပ်လမ်းလျှောက်နေရတာကိုလိုလားတက်မက်ကြတာပါ…

ဒါကြောင့်…
ဘဝခါးခါးနေ့ရက်တွေအတွက်
ငါတို့ရဲ့ ညမနက်တွေဟာ
အဆိပ်တခွက်ဖြစ်ခဲ့ရင်တောင်
တစက်မျှမကျန်သည်အထိမော့သောက်ကြည့်မယ်
အဲဒီအမှောင်ကိုမျိုးစေ့မချချင်တော့လို့…..

ငါတို့ရဲ့….
တပြိုင်နက်တည်းညီညွတ်တဲ့လက်တွေနဲ့အတူ
စားပွဲပေါ်ကခွက်တွေကိုယူရင်း
အခိုင်မာဆုံးတည်ဆောက်မှုတွေကိုသောက်ဖို့
အလင်းနှစ်တို့ရဲ့ မီးအိမ်တွေလိုတယ်…..

ဒါကြောင့်…
လှိုင်းကြမ်းကြမ်းနေ့ရက်တွေအတွက်
ငါတို့ရဲ့ ညမနက်တွေဟာ
မုန်တိုင်းတစ်စင်းဖြစ်ခဲ့ရင်တောင်
တက်စုံရွက်ကုန်ဖွင့်ရင်းလှော်ခတ်ကြည့်မယ်
အဲဒီပင်လယ်ကိုရဲရင့်ခြင်းလှေငယ်နဲ့ကျော်ဖြတ်အနိူင်ယူချင်လို့…

ငါတို့ရဲ့…
တသွေးတသားတည်းမျိုးရိုးဗီဇတွေနဲ့အတူ
မျှော်လင့်ချက်တွေကိုအားဖြည့်ယူရင်း
အလှဆုံးညနေခင်းတွေကိုလျှောက်ဖို့
အရုဏ်နေ့သစ်တို့ရဲ့ လေပြေညင်းတွေလိုတယ်….

တကယ်တော့…
နားလည်မှုဆိုတဲ့စကား
ပါးပါးလေးဆောက်တည်လို့မရ
ပေးဆပ်ခြင်းတွေနဲ့လဲလှယ်မှုပြုကြရတာပါ
ဒါကြောင့်…ငါတို့ဟာ
တခါတခါကြမ်းတမ်းမှုတွေနဲ့နူးညံ့ကြရရင်း
တခါတခါနူးညံ့မှုတွေနဲ့ကြမ်းတမ်းကြရရင်း
မျှော်လင့်ခြင်း မြားတစင်းကိုပစ်ခွင်းတယ်…

အဲဒီမြားဦးထိပ်ကစာသား
နှစ်လုံးတည်းနဲ့ သိပ်ပြီးတာသွားတယ်
”တိုက်ပွဲ“
လိုက်ရဲသူတွေအတွက်သာ…..။ ။

ကျနော့်ကဗျာတွေထဲက ကဗျာဟောင်းလေးတစ်ပုဒ်ဖြစ်ပါတယ်။ လွတ်လပ်ရေးနေ့အတွက်
ကဗျာအသစ်မရေးနိူင်လို့ ဒီကဗျာလေးကိုဘဲ လွတ်လပ်ရေးနေ့အတွက်ရည်ရွယ်ပြီးပြန်တင်
ပေးလိုက်ပါတယ်။
ရဲဘော်ရဲဘက် ညီအကိုမောင်နှမအားလုံး လွတ်မြောက်ရေးအတွက် ညီညီညွတ်ညွတ်နဲ့
တိုက်ပွဲဝင်နိူင်ကြဖို့မျှော်လင့်လျက်….

4 comments:

အိုင်လွယ်ပန် said...

နောက်ဆုံအပိုဒ်လေးက
မာန်ပါလိုက်တာအစ်ကိုရာ ......
ကောင်းတယ်ဗျာ....

ပျူနိုင်ငံ said...

ကိုဆောင်းရဲ့ ကဗျာအဟောင်းလေး ပြန်ဖတ်ခွင့်ရတာ
ကျေးဇူး အကိုရေ။ တကယ်ကိုဘဲ ကောင်းတယ် အကိုရေ။

ဟန်လင်းထွန်း said...

လွတ်လပ်ရေး အတွက် လာရောက်အတူ ဆုတောင်းပေးပါတယ်အကို

တောရိုင်းနှင်းဆီ said...

သိပ်ကောင်းတဲ့ကဗျာလေးကို လာရောက်ဖတ်ရှုခံစားသွားပါတယ် .....