Monday, March 17, 2008

အဆိပ်
ပုံစံခွက်တစ်ခုထဲကို
လိုသလိုသလိုပစ်ချခံလိုက်ရတဲ့အရာတစ်ခုဟာ
ပြန်ကောက်ယူလို့မရနိူင်တော့လောက်အောင်
ချောင်ထဲ အမှောင်ထဲကျသွားခဲ့တယ်….

အနာမကျက်တဲ့ရင်ဘတ်ထဲမှာ
အစိုင်အခဲ ခပ်မဲမဲတွေ
ဘယ်လိုမှအရည်မပျော်နိူင်ခဲ့….

လူရယ်လို့ဖြစ်လာကတည်းက
ဘာမျှပြည့်စုံမှုမရှိခဲ့ရလေဘူး
အဆိပ်ရည်အပြည့်သုတ်လူးခံထားရတဲ့ဘဝမှာ
ကိုယ်ပိုင်ဒုက္ခကိုမသိမသာငုံခဲထားရရင်း
လူတကာရဲ့ဒုက္ခကိုစာရင်းရှင်းနေရတဲ့အခါ
ဘဝမှာမှတ်သားစရာတွေပိုများလာခဲ့…

လောကမှာ…
အရေးအကြီးဆုံးမဟုတ်ဘူးလို့သတ်မှတ်ခံထားရတဲ့အရာက
အရေးပါအရာရောက်ဆုံးဖြစ်နေလေပြန်ပြီး
အဲဒီအရာကဘဲ ကိုယ့်မှာအရှားပါးဆုံးဖြစ်နေပြန်တော့
လေနေတဲ့စိတ်တွေနဲ့အတူအိပ်မရ
ညတွေသာမနက်ပြန်ဖြစ်သွားကြတယ်…

အရည်မပျော်နိူင်သေးတဲ့
အစိုင်အခဲခပ်မဲမဲတွေက
နေ့မှာတစ်ဆို့ ညမှာတစ်ဆို့
ပျို့တတ်လာတာတောင်အန်ချစရာနေရာမရှိတော့လို့
တဖြေးဖြေး..နှစ်ချို့လာခဲ့ရတယ်။

4 comments:

Nyein Chan Aung said...

ကဗျာ အရမ်းကောင်းတယ်ကိုဆောင်း။ အောက်ဆုံးနှစ်ပိုဒ်ကို အကြိုက်ဆုံးပဲ။

Kaung Kin Ko said...

အရည်မပျော်နိူင်သေးတဲ့
အစိုင်အခဲခပ်မဲမဲတွေက
နေ့မှာတစ်ဆို့ ညမှာတစ်ဆို့
ပျို့တတ်လာတာတောင်အန်ချစရာနေရာမရှိတော့လို့
တဖြေးဖြေး..နှစ်ချို့လာခဲ့ရတယ်။

နှစ်ချို့  အဆိပ်တွေပေါ့ဗျာ။ ကဗျာလေး အရမ်းထိတယ်ဗျာ။

စိုးထက် - Soe Htet ! said...

""ပုံစံခွက်တစ်ခုထဲကို
လိုသလိုသလိုပစ်ချခံလိုက်ရတဲ့အရာတစ်ခုဟာ
ပြန်ကောက်ယူလို့မရနိူင်တော့လောက်အောင်
ချောင်ထဲ အမှောင်ထဲကျသွားခဲ့တယ်….

နှစ်ချို့ အဆိပ် ကဗျာ ဖတ်သွားပါတယ် ခင်ဗျ :)""

မျှားပြာ said...

အစ်ကိုကြီးရေ ညီ့ဆီမှာတော့ အဆိပ်တွေ နစ်ချို့ မချို့တော့ မသိဘူး ... တကယ်ကို အန်မချနိုင်ဘူး ဖြစ်နေတယ်ဗျာ ..။