Tuesday, October 14, 2008

သီတင်းကျွတ်ညလေးတည
တနေ့တုန်းက မမေအိခင် (ခ) လမင်းခင်ကလာတဂ်လုပ်သွားတယ်။ ဒါနဲ့သူ့ဘလော့ကိုသွားပြီး
ဘာအကြောင်းရေးဖို့တဂ်လုပ်ထားသလဲဆိုတာသွားကြည့်တော့ သီတင်းကျွတ်တဲ့အခါပျော်ရွှင်
စရာလေးတွေနဲ့ ခံစားချက်လေးတွေအကြောင်းရေးဖို့ဖြစ်နေပါတယ်။ အဲဒါမှမြွေကိုက်တာဘဲ။
တကယ်တမ်းပြောရရင်ကိုယ်ကိုယ်တိုင်ကသီတင်းကျွတ်လို့ကျွတ်မှန်းမသိတဲ့နေရာရောက်နေ
တာကိုးဗျ။ အမြဲတက်တက်ကြည့်နေကျ ဘလော့လေးတွေမှာ ဘလော့ဂါမိတ်ဆွေညီအကို
မောင်နှမတွေကဝါကျွတ်တဲ့အကြောင်းဝါကျွတ်တဲ့အခါမှာခံစားရတဲ့ခံစားချက်လေးတွေရေး
ထားတဲ့အကြောင်းလေးတွေရေးထားလို့သာ ”သြော်.ဘာလိုလိုနဲ့တဝါကျွတ်ပြန်ပါပေါ့လား”
ဆိုတဲ့အသိလေးဝင်လာတာပါဘဲ။ ကိုယ်တိုင်ကတော့ကိုယ့်အလုပ်နဲ့ကိုယ်ရှုပ်နေလိုက်တာ
အားရက်တရက်မှမရှိဘူး။ သူများတွေက သောကြာညနေဆိုရင်တယောက်ကိုတယောက်
နှုတ်ဆက်ရင်း စနေတနင်္ဂနွေ အလုပ်နားရက်တွေမှာ ဘာလုပ်မယ်ညာလုပ်မယ်ပြောကြဆို
ကြနဲ့ ကိုယ့်မှာကတော့ သောကြာနေ့ရုံးဆင်းတာနဲ့နောက်အလုပ်တခုကိုတန်းဝင်ရဦးမယ် ပြီး
တော့စနေနဲ့တနင်္ဂနွေမှာတနေကုန်နီးပါးထပ်ပြီးအလုပ်လုပ်ရသေးတော့ ဘာကိုမှလှည့်မကြည့်
အားမခံစားအားတာအမှန်ပါ။ မနေနိူင်လွန်းလို့သာအချိန်လေးလုပြီး ကဗျာလေးတွေရေး တခြားသူတွေရဲ့ဘလော့တွေပေါ်က စာတွေကဗျာတွေအနည်းအကျဉ်းဖတ်နေရတဲ့ဘဝနဲ့နေ
လာရတာအခုဆိုရင်၆လလောက်တောင်ရှိပါပကောလားဗျာ။
မလမင်းခင်ရေ တဂ်ထားတဲ့အကြောင်းလေးစပြီးရေးပြီနော်။ သီတင်းကျွတ်နဲ့ဝေးခဲ့တာနှစ်၂၀
တောင်ကြာပါပြီဗျာ။ အိမ်နဲ့ဝေးခဲ့ကတည်းကပေါ့။ ကျနော်နဲ့နောက်ဆုံးတွေ့ဆုံခဲ့ရတဲ့သီတင်း
ကျွတ်ပွဲတော်ဟာ၁၉၈၇ခုနှစ်မှာပါ.၁၉၈၈ခုနှစ်မှာအမိနိူင်ငံကထွက်လာခဲ့တာဆိုတော့အခုဆို
ရင်အနှစ်၂၀တောင်ရှိပြီပေါ့။ ဒီတော့လည်း သီတင်းကျွတ်မှာခံစားရတဲ့ပျော်ရွှင်စရာတွေက
ကိုယ်နဲ့အရမ်းဝေးကွာခဲ့ပြီဆိုတော့ တော်တော်လေးပြန်စဉ်းစားပြီးရေးရမှာဗျ။ သေသေချာချာ
သိနေတာတခုကတော့ငယ်ငယ်တုန်းက သီတင်းကျွတ်ရောက်ရင်ပျော်တယ်ဗျာ။ ပြီးတော့ရန်
ကုန်မှာမီးထွန်းပွဲတွေလိုက်ကြည့်တယ်။ ကိုယ့်အိမ်မှာလည်းမီးဗုံးကလေးတွေချိတ်ဆွဲပြီးထား
တာ သူများအိမ်တွေမှာထွန်းထားတာလေးတွေကိုကြည့်ပြီးကြည်နူးခဲ့မိတာတော့အမှန်ပါဘဲ။
နောက်ထပ်မှတ်မှတ်ရရကတော့ အဖိုးအဖွားနဲ့အဖေအမေ ဆရာဆရာမတွေနဲ့ သက်ကြီးဝါ
ကြီးသူတွေကိုကန်တော့ သူတို့ကဆုတွေပေးမုန့်ဖိုးတွေပေးရင်ကြည်နူးပျော်ရွှင်ခဲ့မိတာလည်း
အမှန်ပါဘဲ။ ငယ်ငယ်ကရန်ကုန်မှာသီတင်းကျွတ်ရင် နှစ်တိုင်းလိုလိုပုဇွန်တောင်ရေကျော်ဘက်
ကိုအဖေအမေတွေနဲ့လျှောက်လည်ခဲ့ရဖူးတယ်။ ပွဲကိုရောက်တိုင်းခြားတွေ ရဟတ်တွေစီးရတာ
လည်းအသည်းတအေးအေးနဲ့ပျော်စရာကြီးပေါ့ဗျာ။ ပြီးတော့ပွဲဈေးတန်းမှာရောင်းတဲ့ဗန္ဒုလ
စစ်သူကြီးဦးထုတ်နဲ့ဓားကိုအဖေအမေကဝယ်ပေးရင် အကျေနပ်ကြီးကျေနပ်နေတတ်ပြီး ကျ
နော်တို့ညီအကိုတွေစစ်သူကြီးလုပ်တမ်းကစားခဲ့ကြတာတွေကိုလည်းမှတ်မိနေပါသေးတယ်။
ပွဲဈေးတန်းမှာရောင်းတဲ့ရေမုန့်တို့မုန့်လေပွေတို့ရဲ့အရသာထူးလေးတွေကိုလည်းယနေ့တိုင်ထိ
မှတ်မိသတိရနေဆဲပါဘဲ။ ပြောရမယ်ဆိုရင်တော့ ဝါကျွတ်ပွဲရဲ့အမှတ်တရလေးတွေကအများ
ကြီးပါဘဲ။ ကျောင်းတွေကလည်းပိတ်ထားတဲ့အချိန်ဆိုတော့ ငယ်ဘဝမှာတော့အားလုံးကပျော်
ရွှင်စရာချည့်ပါဘဲဗျာ။ ရပ်ကွပ်တွေထဲမှာသူ့ရပ်ကွပ်အလိုက်စတိတ်ရှိုးပွဲလေးတွေလည်း
ဆင်နွှဲကြသေးဆိုတော့သီတင်းကျွတ်ပွဲတော်ရဲ့စည်ကားသိုက်မြိုက်ပုံတွေကတော့ နှစ်တွေ
ဘယ်လောက်ဘဲကြာကြာ ကျနော့်ရင်ထဲမှာမမေ့နိူင်စရာပုံရိပ်တွေအဖြစ်ထင်ရစ်နေဆဲပါဘဲ
လေ။
ပြီးခဲ့တဲ့အပတ်တုန်းကတော့ကျနော်နေတဲ့အမေရိကန်နိူင်ငံအင်ဒီယားနားပြည်နယ်ရဲ့ဖော့ဝိန်း
မြို့မှာမြို့ကမြန်မာလူမျိုးတွေစုပေါင်းပြီးသီတင်းကျွတ်ပွဲတော်ဆင်နွှဲခဲ့ကြပါတယ်။သူတို့ရဲ့အဓိ
ကရည်ရွယ်ချက်ကတော့မြန်မာလူမျိုးတွေကိုယ့်ရဲ့ရိုးရာဓလေ့တွေကိုမမေ့မလျော့ဘဲထိမ်းသိမ်း
နိူင်ဖို့နဲ့ကလေးတွေကိုကျနော်တို့မြန်မာလူမျိုးတွေမှာအခုလိုဘာသာရေးပွဲတော်တွေရှိတယ်ဆို
တာကိုပြချင်တဲ့ရည်ရွယ်ချက်နဲ့ကျင်းပခဲ့တာဘဲဖြစ်တယ်။ ကျနော်ကိုယ်တိုင်ကတော့အလုပ်ကနေခွာမရတာကြောင့်မသွားဖြစ်ခဲ့ပါဘူးဗျာ။ ဘာဘဲပြော
ပြောကျနော်ကိုယ်တိုင်မေ့နေတဲ့အချိန်ကာလတွေကိုသိအောင်နှိုးဆွပေးတဲ့သူတို့ကိုတော့ကျေး
ဇူးတင်မိတာအမှန်ပါဘဲ။ ညီအကိုမောင်နှမတွေရဲ့ ဘလော့တွေပေါ်မှာလည်း သီတင်းကျွတ်ပွဲ
တော်ကြီးကဆီမီးတထိန်ထိန်နဲ့ဆိုတော့ ဒီနှစ်တော့ဝါကျွတ်လို့ကျွတ်မှန်းသိလိုက်ရတာပေါ့ဗျာ။
တချို့နှစ်တွေဆိုရင် သီတင်းကျွတ်ပြီးတော်တော်ကြာမှသီတင်းကျွတ်ပြီးမှန်းသိလိုက်ရတဲ့အခါ
တွေလည်းရှိခဲ့ပါတယ်။ ဒါနဲ့မနေ့တုန်းကအမေအရင်းမဟုတ်ပေမယ့် အမေအရင်းနဲ့မခြားတဲ့
အမေဒေါ်မာမာအေးကိုကန်တော့ဖို့သတိရလို့သူငယ်ချင်းတယောက်ကိုရုံးကနေဖုန်းဆက်ပြီး
”ကိုရဲရေမနက်ဖြန်ကျရင် ကျနော်တို့အမေ့အိမ်ကိုသွားပြီးအမေ့ကိုကန်တော့ရအောင် သီတင်း
ကျွတ်ပြီလေဗျာ”လို့ပြောတော့မှ သူကလည်း ”ဟာ ဟုတ်တာပေါ့ခင်ဗျားပြောမှ သတိရတယ်
ဒါဆိုကျနော်တို့အမေ့ကိုသွားကန်တော့ကြတာပေါ့”လို့ပြန်ပြောပါတယ်။ ဒီနေ့မနက်ရုံးကိုရောက်မှဘဲ အမေဒေါ်မာမာအေးဆီကိုဖုန်းဆက်ပြီး အမေရေညကျရင်အိမ်
မှာရှိမလားဆိုပြီးမေးတော့ အမေကသူအိမ်မှာဘဲရှိမယ်ဆိုတဲ့အကြောင်း သားတို့လာမယ်ဆိုရင်
ထမင်းဟင်းပိုချက်ထားမယ်ဆိုတဲ့အကြောင်းပြောပါတယ်။ အမေ့ဆီဖုန်းသာဆက်ရတယ် စိတ်
ထဲမှာတော့ခပ်လန့်လန့်ရယ် တခါတလေအမေကသူ့ဆီကိုမရောက်တာကြာတာဘဲဖြစ်ဖြစ် ဖုန်း
မဆက်တာကြာလို့ရှိရင်ဖြစ်ဖြစ် နင်တို့အမေရှိနေသေးတယ်ဆိုတာကိုရောသတိရသေးရဲ့လား
လို့ပြောတတ်လေ့ရှိလို့ပါ။ ညနေလောက်ကျတော့ အမေကျနော့်ဆီကိုဖုန်းဆက်ပြီး ”သားရေ
မင်းတို့ညကျရင်၉နာရီလောက်ကျမှလာခဲ့ပါ အမေဘုန်းကြီးကျောင်းမှာဓမ္မစကြာင်္ရွတ်ရဦးမယ်
ပြီးတော့ထမင်းလည်းအိမ်ရောက်မှဘဲစားကြ”လို့ပြောပါတယ်။ ကျနော်လည်းရုံးကပြန်လာပြီး
အိမ်မှာခဏတဖြုတ်သန့်ရှင်းရေးလုပ် ကွန်ပြူတာပေါ်ကဘလော့စာမျက်နှာတချို့ကိုလှန်လှော
ကြည့်ပြီးည၈နာရီခွဲလောက်မှာသူငယ်ချင်းကိုရဲနဲ့အတူတူအမေ့ကိုကန်တော့ဖို့သစ်သီးတချို့
ကိတ်မုန့် စားစရာတချို့ကိုလှလှလေးထည့်ထားတဲ့ခြင်းတလုံးနဲ့အမွှေးဖယောင်းတိုင်တဗူးကို
ဝယ်ပြီးအမေ့အိမ်ဘက်ကိုထွက်လာခဲ့ကြပါတယ်။ အမေကနိူင်ငံကျော်အဆိုတော်အနူပညာ
သမားတယောက်မို့လားမသိဘူး အမေ့အိမ်ကအနူပညာဆန်တယ် ကဗျာဆန်တယ်။ အမေ
နေတဲ့ရပ်ကွက်ကတော်တော်လေးကိုအေးဆေးငြိမ်သက်ပြီး အမေ့အိမ်ဆိုရင်တောင်ကုန်းသေး
သေးလေးပေါ်မှာဆောက်ထားတာ။ ကျနော်ဆိုရင်အမေ့အိမ်ကိုရောက်တဲ့အခါတိုင်းအိမ်ရှေ့ပြူတင်းပေါက်ကနေပြီး ဟိုးဝေးဝေး
တနေရာ ဒါမှမဟုတ်ကားလမ်းမကပေါ်ကကားတွေသွားနေတာကိုအမြဲတမ်းအရသာခံပြီး
ကြည့်လေ့ရှိတယ်။ အမေ့အိမ်ကိုရောက်ပြီးအဲဒီလိုကုန်းမြင့်မြင့်လေးပေါ်ကနေအဝေးကိုကြည့်ရ
တိုင်းမြန်မာပြည်ကိုပြန်ရောက်သွားသလိုခံစားရလေ့ရှိတယ်။ အိမ်ထဲမှာလည်း ဘုရားကျောင်း
ဆောင်ကြီးကအရမ်းကိုသပ္ပာယ်ဖို့ကောင်းပါတယ်။ ကျနော်နဲ့ကိုရဲတို့ အမေ့အိမ်ထဲကိုရောက်ပြီး
ဝယ်လာတဲ့သစ်သီးတချို့ကိုမနက်ဘုရားဆွမ်းတော်တင်ဖို့ဖယ်ပြီးတချို့ကိုတော့လင်ဗန်းအပြား
လေးထဲမှာထည့် အရင်ဦးဆုံးဘုရားဝတ်ပြုကြပြီးမှ အမေ့ကိုထိုင်ကန်တော့ကြပါတယ်။ ကျနော်
တို့ကန်တော့ပြီးတော့အမေက ကျနော်တို့အတွက်ဆုပေးပါတယ်။ ဒီလိုကန်တော့တဲ့အချိန်မှာ
ကျနော့်ရင်ထဲမှာအမှန်တကယ်ဘဲအေးချမ်းလှပါတယ်။ တပြိုင်တည်းမှာဘဲ ဟိုးအဝေးတနေရာ
မြန်မာပြည်က မွေးမိခင်နဲ့ဖခင်တို့ကိုလည်းသတိတရနဲ့စိတ်ထဲကနေဦးချကန်တော့မိနေပါတော့
တယ်။ အမေဒေါ်မာမာအေးကိုကန်တော့ပြီး စကားစမြည်ပြောကြပြီးနာရီဝတ်လောက်အကြာ
မှာကျနော်တို့ထမင်းစားကြပါတယ်.။ထမင်းစားပြီးနောက်ထပ်နာရီဝတ်လောက်အမေနဲ့စကား
တွေပြောပြီးအမေ့ကိုနှုတ်ဆက်ပြီး ကျနော်တို့အမေ့အိမ်ပေါ်ကဆင်းတော့ အမေကမေးသေး
တယ်”နောက်ထပ်ဘယ်ကမ္ဘာလောက်ကြာမှထပ်လာကြဦးမှာလဲတဲ့”။ ကျနော်တို့အိမ်ပေါ်ကဆင်းလာပြီးအမေ့အိမ်ရှေ့ကိုသေသေချာချာကြည့်လိုက်တဲ့အခါမှာ
အမေသီတင်းကျွတ်အထိမ်းအမှတ်နဲ့ချိတ်ဆွဲဆင်ယင်ထားတဲ့မီးလုံးတွေကအမေ့အိမ်ရှေ့မှာ
အစီအရီပေါ့။
ဒါကတော့အမေနဲ့အမေ့အိမ်ကိုရောက်လာကြတဲ့ကျနော်တို့လိုမြန်မာနိူင်ငံသားတွေသာသိနိူင်တဲ့အမှတ်အသားတခုပေါ့.။ အမေရိကန်လူမျိုးတွေအဖို့တော့ထူးဆန်းနေမှာပေါ့.သူတို့ကတော့ဒီလိုမီးလုံးလေးတွေကိုခရစ်စမတ်ရာသီမှာဘဲသူတို့ရဲ့အိမ်ရှေ့တွေမှာချိတ်ဆွဲလေ့ရှိတာမဟုတ်လား။
အမေ့အိမ်ကပြန်လာတဲ့လမ်းတလျှောက်မှာတော့ကျနော်နဲ့ကျနော့်သူငယ်ချင်းကိုရဲတို့တဦးကို
တဦးစကားမပြောဖြစ်ကြဘဲ အတွေးကိုယ်စီနဲ့ပါ။ ကျနော်ကကျနော့်အဖေအမေနဲ့ငယ်ဘဝက
ဝါကျွတ်ပွဲတော်ကိုသတိရနေသလ်ို ကိုရဲလည်းကျနော့်လိုဘဲခံစားနေရမယ်ဆိုတာမေးစရာမလို
ဘဲသိနေပါတယ်လေ။ ကောင်းကင်ပေါ်မှာနေတော့သီတင်းကျွတ်လပြည့်ညတညရဲ့လမင်းကြီး
ကထိန်ထိန်သာလို့ပေါ့ဗျာ…….။

1 comment:

ကောင်းကင်ကို said...

သီတင်းကျွတ်မှာ လာကန်တော့ သွားပါတယ် အစ်ကို။