Sunday, January 29, 2012

“ကောင်းကင်ပြုံးမယ့် နိဂုံးကိုလိုချင်တယ် မေမေ”

သောကကိုကျောချမရတဲ့ ကာလတွေမှာ
မေမေ့ရင်ခွင်ထဲက နေ့စွဲတွေကိုပဲ
အိပ်မက်ထဲကနေ တရွက်ချင်းလှန်ဖတ်နေခဲ့မိတယ်…

အသက်မှတ်တမ်းထဲ ဟိုတလုံးဒီတလုံးချရေးရင်းနဲ့ပဲ
နာကျင်မှုစာမျက်နှာလေးဆယ့်သုံးပေါ်ကို
ဘဝနှစ်ဆစ်ချိုးပြီး ဖြစ်သလိုပစ်တင်ထားခဲ့ရပြန်ပြီ မေမေ…

တကယ်တော့ နာကျင်မှုဆိုတာ
စာသင်လို့မရနိုင်တဲ့ ကိုယ်ပိုင်မှတ်တမ်းတခုပဲမဟုတ်လား မေမေ…

ငေးကြည့်ခဲ့မိတဲ့ နာရီရဲ့လမ်းတွေမှာတော့
အိမ်မပြန်ဖြစ်တဲ့ နှစ်တွေက
မာတိကာအဖြစ် စွန်းထင်းကျန်ရစ်ခဲ့ကြပေါ့ မေမေ….

လေးဆယ့်သုံးနှစ်တာခရီးမှာ
ဆက်သွယ်မှုနည်းပညာတွေကြောင့် အသံတွေနီးလာခဲ့ပေမယ့်
ကျနော်တို့ချင်းကတော့ အမှန်အကန်ဝေးခဲ့ကြပါတယ် မေမေ…

ကမ္ဘာကြီးရွာဖြစ်သွားတဲ့ စစ်အေးကာလမှာ
ကျနော်တို့စစ်ပွဲတွေက ပူလောင်ဆဲပေါ့ မေမေ….

အဲဒီစစ်ပွဲတွေကိုကျော်ပြီး လှမ်းကြည့်ခဲ့မိတဲ့လမ်းတွေမှာ
အိမ်ပြန်ချင်တဲ့ အလွမ်းတွေသာ
နိဒါန်းအဖြစ် အကျွမ်းတဝင်ကျန်ရစ်ဆဲပါ မေမေ…..

စစ်ပွဲတွေက
ကျနော်တို့ဆုံမှတ်တွေကို
မဆုံးနိုင်တဲ့ စာကိုယ်အဖြစ် လမ်းလွှဲပစ်ခဲ့ပါတယ် မေမေ
စစ်ပွဲတွေကပဲ
အပြစ်မဲ့ကလေးတွေရဲ့ရင်ဘတ် မိဘမဲ့တံဆိပ်ကပ်ခဲ့ပါတယ် မေမေ….

မိဘမဲ့ကလေးတွေ ငိုနေတဲ့ ကမ္ဘာမှာ
တေးကဗျာတွေ မဆိုချင်ခဲ့ပါဘူး မေမေ…

စစ်လက်နက်တွေ လူသတ်လေ့ကျင့်နေတဲ့ ကမ္ဘာမှာ
တရားမှန်မှန်မမှတ်နိုင်ခဲ့ပါဘူး မေမေ…

ငတ်မွတ်ခြင်းတွေ ဆင်းရဲတွင်းနက်နေတဲ့ ကမ္ဘာမှာ
ညစာစားပွဲတွေမတက်ချင်ခဲ့ပါဘူး မေမေ…

ရဲဘော်ရဲဘက်တွေ လူမသိသူမသိ ပျောက်ဆုံးခဲ့ရတဲ့ ကမ္ဘာမှာ
ဘတ်ဒေးကိတ်တလုံးကို ခပ်ပြုံးပြုံးမလှီးချင်ခဲ့ပါဘူး မေမေ….

ငြိမ်းချမ်းရေးကို ပေါင်မုန့်တလုံးလိုခွဲတမ်းချနေကြတဲ့ ကမ္ဘာမှာ
ယုံကြည်ချက်ကို ကြိုတင်လက်မှတ်မဖြတ်ချင်ခဲ့ပါဘူး မေမေ….

ကျနော်က….
ကြယ်တွေစုံတဲ့ညထဲ လမ်းလျှောက်ရင်း
အလင်းရောင်သီချင်းကို မေမေ့ချစ်ခြင်းဟာမိုနီနဲ့ဆိုချင်ခဲ့သူပါ မေမေ…..

ပြည့်ဝတဲ့ငြိမ်းချမ်းရေးကို မွေးနေ့လက်ဆောင်အဖြစ်ပေးပါ
စစ်မှန်တဲ့ဆုံဆည်းခွင့်ကို မွေးနေ့လက်ဆောင်အဖြစ်ပေးပါ
ကောင်းကင်ပြုံးမယ့်နိဂုံးကို မွေးနေ့လက်ဆောင်အဖြစ်ပေးပါ မေမေ…..။       ။
.

2 comments:

သိင်္ဂါကျော် said...

မွေးနေ့လား အစ်ကို
Happy Birthday!!
စစ်မှန်တဲ့ ငြိမ်းချမ်းသော ကမ္ဘာမှာ ချစ်သောသူများနဲ့ ဆုံဆည်းခွင့် အမြန်ဆုံးရပါစေ..

နေ၀သန် said...

ဒီကဗျာလေးကတော့ ရင်ကို လှုပ်ခတ်စေတယ်ဗျာ... အရေးကောင်းပါပဲ အစ်ကိုရေ...

ခင်မင်လျက်
နေ၀သန်