Thursday, February 28, 2008

“နီရူဒါကိုဆန်းစစ်ပြီး မိမိတို့ကိုယ်ကိုယ်သုံးသပ်ခြင်း“
နီရူဒါရေ..
ငါတို့တတွေဟာ
မင်းရဲ့ ”ရန်သူ”ဆိုတဲ့ကဗျာတစ်ပုဒ်ထဲကအတိုင်း
ခိုင်မာတဲ့အမှန်တရားရဲတိုက်ကြီးကို ဆောက်လုပ်ပြီးခဲ့တာကြာပေါ့
ငါတို့ဟာ
တောင့်တင်းခိုင်ခန့်တဲ့သေတ္တာတစ်လုံးထဲမှာ
ငါတို့ရဲ့လေးနက်မှုတွေကိုထာဝရသိမ်းဆည်းရင်း
အဲဒီကွေ့ကောက်နက်နဲတဲ့လမ်းကိုရဲရဲဆင်းလျှောက်ခဲ့တာပါ နီရူဒါ…

မင်းကဗျာထဲကလိုဘဲ
ငါတို့မျက်နှာထဲမှာနှစ်ပေါင်းများစွာရှိ
အထီးကျန်တဲ့အရေးအကြောင်းတွေလည်းရှိတယ်…

မင်းကဗျာထဲကလိုဘဲ
ငါတို့မျက်ဝန်းအိမ်ထဲမှာ မောပမ်းနွမ်းနယ်တဲ့မျက်ရည်တွေတွဲခိုနေကြ
ဒါပေမယ့်..ငါတို့က
အဲဒီမျက်ရည်စတွေကိုတယုတယသိမ်းထားကြတာမဟုတ်ပေဘူး
နာနာကျည်းကျည်းနဲ့ အမှတ်ရစေဖို့
ငါတို့ဘဝနဲ့ရင်းပြီး သိမ်းဆည်းထားကြတာပါ နီရူဒါ…

ငါတို့က မျှော်လင့်ချက်တွေကိုဆုပ်ကိုင်ထားတဲ့
ငါတို့ရဲ့လက်ဖဝါးတွေအသားမာတက်လာတဲ့အထိ
ဟောဒီ ကဗျာတွေကိုရေးရင်း
သေခြင်းတရားကိုရဲရဲရင်ဆိုင်သွားမှာပါ နီရူဒါ..

မင်းရဲ့ဒိုင်ယာရီမှာပြည့်နှက်နေတာက
သစ်ရွက်တွေနဲ့လေပွေ
ငါတို့ရဲ့ ဒိုင်ယာရီတွေထဲမှာပြည့်နှက်နေတာက
ဒဏ်ရာတွေနဲ့သွေးစက်
မင်းရဲ့ကဗျာထဲမှာ
တစ်ယောက်ရဲ့သေဆုံးခြင်းမှာတစ်ဦးရဲ့ရှင်သန်မှုအစပျိုးပေမယ့်
ငါတို့ရဲ့လက်တွေ့ဘဝထဲမှာ
တစ်ယောက်ရဲ့ရှင်သန်မှုအတွက်
အယောက်ပေါင်းရာထောင်သေဆုံးပေးနေကြရတယ် နီရူဒါ…

ငါတို့ကမ္ဘာထဲမှာ ပန်းတွေတေးမဆိုကြ
ကလေးတွေအငိုမတိတ်ကြဘူး
ငါတို့ကမ္ဘာထဲမှာ မျက်နှာတွေမသာယာကြ
မိခင်တွေမျက်ရည်မခြောက်ကြဘူး
ငါတို့ကမ္ဘာထဲမှာခြောက်သွေ့လာတာက ရာသီဥတု
အေးစက်လာတာကစာနာမှုတွေပါ နီရူဒါ…

ငါတို့က
ငါတို့စိတ်ကူးကို ကိုယ်တိုင်စိုက်ပျိုးသလို
ကိုယ်တိုင်ထွန်ယက်ပြီး
ကိုယ်တိုင်ဘဲရိတ်သိမ်းချင်ကြတယ်
ငါတို့က
ငါတို့ချစ်တဲ့အရာဝတ္ထုတွေကိုနှလုံးသားနဲ့ယက်လုပ်ပြီး
ငါတို့မုန်းတဲ့အရာဝတ္ထုတွေကိုဦးနှောက်နဲ့ထွင်းဖောက်တတ်တယ် နီရူဒါ…

ဒါကြောင့်
ငါတို့ဟာ ဟောဒီကဗျာကို နှလုံးသားနဲ့ယက်လုပ်ပြီး
အေးစက်တဲ့စာနာမှုတွေပေးတဲ့ ငါတို့ရဲ့ရန်သူတွေအတွက်
ငါတို့ရဲ့ဦးနှောက်မှာ လက်နက်တွေတပ်ဆင်ထားကြတယ် နီရူဒါ…။

3 comments:

Kaung Kin Ko said...

ကဗျာလေး လာခံစားသွားတယ် အစ်ကို။

Nyein Chan Aung said...

ကဗျာ အရမ်းကြိုက်တယ်ဗျာ..။

Unknown said...

ဦးနှောက်မှာ လက်နက်တွေတပ်ဆင်ထားတယ် ကြိုက်တယ်ဗျာ.