Friday, December 26, 2008

”လွတ်မြောက်ရေးရဲ့အစ”
အားပေးတိုင်း
အားရှိလာနိူင်ကြတာမှမဟုတ်ဘဲ..

ဗီတာမင်ဆေးခဲတွေစားတိုင်းလည်း
သဲထဲရေမသွန်မိစေဖို့ကအရေးကြီးတယ်…

တဲတဲလေးကျန်တဲ့ကြိုးတစ်ချောင်းပေါ်မှာ
လူဟာ.အရာခပ်သိမ်းဖြစ်နိူင်ခဲ့…

နေဝင်နေထွက်၂၄နာရီတစ်ရက်မှာ
နေတိမ်းပါးမသွားခင်အချိန်အထိ
သတိကိုချပ်ဝတ်တန်ဆာလိုဝတ်မိရဲ့လား!….

ကိုင်းဖျားမှာနားတဲ့လရိပ်ဟာ
စိတ်ကိုအစာကျွေးဖို့သက်သက်မဟုတ်ပါဘူး….

မဟာကံထူးရှင်တွေဖြစ်ဖို့အတွက်
ကပ်ကြေးတစ်လက်တော့လိုတယ်…

အရှက်နဲ့အသက်ဆိုတဲ့ကြိုးနှစ်ချောင်းကြား
မျက်စိမှောက်မှားသူတွေအတွက်တော့
အချိန်ဟာအကောင်းဆုံးဆေးစွမ်းတပါးပါဘဲ…

ကဲ…
အထက်ဆုံးဓားတစ်လက်ရဲ့ထိပ်ဖျားမှာ
မစ္ဆရိယတွေတိကနဲပြတ်ပါသွားဖို့အတွက်
အားကောင်းမောင်းသန်အချိန်တွေသင့်ရှေ့ခစားနေကြပြီ
အညီညာဆုံးလက်ချောင်းတွေနဲ့ပြူတင်းတံခါးကိုဆွဲဖွင့်
သင့်စိတ်ကိုစွန်တစ်ကောင်လိုအမြင့်ဆုံးလွှင့်လိုက်ပါ….

အဲဒီမှာတွေ့လာလိမ့်မယ်..
အဲဒီမှာတွေ့လာလိမ့်မယ်
လွတ်မြောက်ရေးရဲ့လမ်းစ
သင်ကိုယ်တိုင်ကစခဲ့တာဖြစ်ကြောင်း….။

7 comments:

ကောင်းကင်ကို said...

တစ်ပိုဒ်ချင်း တစ်ပိုဒ်ချင်းက အဓိပါယ်တွေ အားမာန်တွေ ပြည့်ဝလွန်းလို့ ကဗျာကိုးပုဒ်ကို တစ်ပုဒ်ထဲမှာ ဖတ်လိုက်ရသလိုပဲဗျာ။

ကောင်းကင်ကို said...

နောက်ဆုံးအပိုဒ်ကတော့ အကြိုက်ဆုံးပဲ အစ်ကိုရ။

အမရာ said...

အကို...ဒီကဗျာလေးကတော်တော့ကိုမာန်ပါတယ်နော်.......

ခေါင်ခေါင် said...

အရောင်စုံ ကဗျာလေးတစ်ပုဒ်ကို လာဖတ်သွားပါတယ် ..
ဦးဆောင်းက အရမ်းတော်တာပဲ..

ကမာနီလာ said...

တပ်လှန့်လိုက်တဲ့ ကဗျာလေးတပုဒ်ပါဘဲ ကိုဆောင်းရေ၊ ကဗျာရဲ့ စာသားတိုင်းက တွေဝေနေမူတွေကို ပြတ်သားဘို့အတွေးစတွေအများကြီးရစေခဲ့တယ်၊
ကပ်ကြေးတလက်၊ ဓါးတလက်နဲ့၊ စိတ်ကို စွန်တကောင်လို အမြင့်ဆုံးကိုလွှတ်တင်ပြီး ကြည့်လိုက်ပါ့မယ် .....
ကဗျာလေးအတွက် ကျေးဇူးတင်တယ်

ပျူနိုင်ငံ said...

ကိုဆောင်းရယ့် ကဗျာလေးကို ကျနော်လာဖတ်သွား
တယ် အကို။ အားပေးလျက်ပါ။

Nyein Chan Aung said...

သေချာတာပေါ့ကိုဆောင်း။ တရားခံဟာ ကိုယ်ကိုယ်တိုင်ပါပဲ။