”ဆန်းတော့မဆန်းပါဘူး”
မသောက်ပဲမူး
တယောက်တည်းရူးနေရတာလည်း ကြာပြီ
နှုတ်မရနိူင်အောင် ငြိတွယ်စူးနေတဲ့အမြစ်က
ရင်ကို တဆစ်ဆစ်နာအောင်ထိုးဆွ
ကိုယ့်ကြမ္မာကိုယ်ဖန်တီးနိူင်ခွင့်မရှိသေးတဲ့ ဘဝမှာ
သေသည်အထိအမျှမယူချင်သေးတာ ဆန်းတော့မဆန်းပါဘူး……

ကိုယ့်အတွက် ပန်းတိုင်မဟုတ်တဲ့
လမ်းခုလပ်တနေရာဟာ
တချို့အတွက်
ပန်းတိုင်ဖြစ်နေလေတာ ဆန်းတော့မဆန်းပါဘူး…

ကိုယ့်အတွက် ပွဲမပြီးသေးတဲ့ဇာတ်ဟာ
တချို့အတွက်
မီးသေနေခဲ့တာ ဆန်းတော့မဆန်းပါဘူး….

ကိုယ်ခပ်သောက်ဖူးတဲ့ ရေတခွက်ဟာ
တချို့ခပ်သောက်ဖူးတဲ့
ရေတစက်ဖြစ်နေတာလည်း ဆန်းတော့မဆန်းပါဘူး…

ကိုယ့်ရဲ့ဟိမဝန္တာဟာ တချို့ရဲ့ခြတောင်ပို့
ကိုယ့်ရဲ့ပစ္စိဖိတ်ဟာ တချို့ရဲ့ရေအိုင်တအိုင်
ကိုယ်မပိုင်တဲ့ ကိုယ့်ခြေထောက်တွေနဲ့လမ်းလျှောက်ရင်း
ကိုယ့်အတွက်တော့ လမ်းပျောက်
တချို့လူတွေရဲ့ပန်းတိုင်ကိုရောက်နေရတာာ ဆန်းတော့မဆန်းပါဘူး….

ကိုယ်က..ကမ္ဘာကိုပတ်ပြီးလျှောက်တာတောင်
ကိုယ့်တံစက်မြိတ်အောက်
ကိုယ်ပြန်ရောက်နေတဲ့ ခြေထောက်မဲ့နေတဲ့သူ
ကိုယ်လောက်ညံ့တဲ့လူတောင်
ကိုယ့်လောက်မညံ့တာ ဆန်းတော့မဆန်းပါဘူး…

သေချာတယ်
ကိုယ်အခုရောက်နေတဲ့ အခင်းအကျင်းပေါ်ကနေ
ကိုယ့်ခန္ဒာကိုယ်ပေါ်ကို စိတ်ရှိလက်ရှိပစ်ချနေတဲ့
ရနံ့မဲ့ရာသီဥတုဟာ ပူနွေးစေးပျစ်ထိုင်းမှိုင်းအေးစက်
ကိုယ့်ကိုအနေရခက်စေတာ သေချာတယ်
အင်းလေ..ဒါလည်းဆန်းတော့မဆန်းပါဘူး…

ကိုယ်က ကိုယ့်ကမ္ဘာငယ်ငယ်ကိုလွမ်းချိန်မှာ
တချို့ကတော့
ကိုယ့်ကိုကိုယ် ကာလာစုံရောပြီး
မီးတောက်အောင် ခရီးပေါက်
အတိတ်ကို ရေပေါ်မှာအရုပ်ထိုး
ရုပ်ဝတ္ထုတန်ခိုးနဲ့ ဖျောက်လိုက်ကြပေါ့
တကယ်တော့ ဒါလည်းဆန်းတော့မဆန်းပါဘူး…

ကိုယ့်အသားကိုယ်
လက်သည်းနဲ့ဆိတ်ကြည့်လို့ နာနေသေးချိန်ထိ
အရာအားလုံးက အဆွေးရုပ်ရှင်တကားကြည့်နေရသလိုမျိုး
လက်ရှိဖြစ်နေတဲ့ အကောင်းအဆိုးအားလုံးက
အိပ်မက်လောက်မလှတာ ဆန်းတော့မဆန်းပါဘူး…

ဘာမှမဆန်းကျယ်တဲ့ လောကမှာ
အိပ်မက်ထဲကို ခဏတဖြုတ်ခုန်ချ
တရေးလောက် အိပ်ပျော်သွားလိုက်မှ
အရာအားလုံးက ဆန်းကျယ်သွားကြတယ်
ဒီလိုပါပဲ
တခါတလေ ဆန်းကျယ်တာတွေက
ကိုယ့်အတွက် ဘာမှမဆန်းကျယ်တော့သလို
ဘာမှမဆန်းကျယ်တာတွေက
ကိုယ့်အတွက်ဆန်းကျယ်နေတတ်တာလည်း ဆန်းတော့မဆန်းပါဘူး
လက်တွေ့ဆန်မှုတွေကို အိပ်မက်ကပန်းတပွင့်လိုပန်ပန်သွားပြီး
အိပ်မက်ပန်းတွေက လက်တွေ့ပွင့်မလာတာလည်း ဆန်းတော့မဆန်းပါဘူး….။