”စိတ်အစာမကြေတဲ့ ကဗျာ”
ငှက်တအုပ်ပျံသန်းသွားမှုကိုတောင်
ယောင်ရမ်းပြီးတွေ့မြင်ခွင့်မရတဲ့ ညနေခင်းဟာ
ဇီဝလက်နက်နဲ့ အဖျက်ခံထားရတဲ့
စစ်ပွဲပြီးစ မြို့ပျက်လိုပါဘဲ…

တယောက်အပူကိုတယောက် ထိုးဖောက်မြင်နေရရက်
အားပေးဖို့နှုတ်ခမ်းတွေက ဆွံ့အခြောက်ကပ်
လမ်းမတခုထက်က မီးကျိုးမောင်းပျက်ညနေခင်းဟာ
စိတ်အဆာပြေတေးတပုဒ်ကိုတောင် နှုတ်ခမ်းမလှုပ်
မကြာခင်မှာ မိုးငုတ်တုတ်ချုပ်တော့မှာသေချာနေပြန်ပြီ…..

လွတ်မြောက်ရာလမ်းကို တလှမ်းချင်းလျှောက်ရင်း
ထွက်ပေါက်တွေကျပျောက်နေခဲ့ရတဲ့အခါ
ညနက်သန်းခေါင်ဆိုတာ
အရုဏ်ကိုမျက်ခြေဖျက်ထားတဲ့ တံခါးတချပ်ပေါ့…

နံရံကပ်ပန်းချီကားချပ်ပေါ်က
တောင်ကျချောင်းစီးသံလွင်လွင်ကိုတောင်
နားထောင်ခံစားခွင့်မရှိတဲ့အခါ
နာရီအသေတွေပေါ်မှာ အဆိပ်ထပ်သင့်
ဘယ်တရားပဲကျင့်ကျင့် ခန္တီပါရမီမရင့်တော့ဘူး….

အရင်းအနှီးကြီးကြီးပေးပြီး ဘဝနဲ့လဲယူထားခဲ့ရတဲ့
အပြုံးစစ်စစ်တွေနဲ့ လွဲနေတဲ့အခိုက်
တဆောင်းလုံးထုတ်ပိုးထားရတဲ့ အလွမ်းတွေကိုဖြည်ချဖို့
တိုးတိုးဖော် ရင်ခွင်တနေရာစာတောင်မရှိတဲ့အခါ
အပူရောင်လွှမ်းနွေငွေ့သမ်းနေတဲ့ လေကြမ်းတွေသာ
နှလုံးသားကို မုန်တိုင်းလိုတိုက်တာမို့်
တုံးတိုက်တိုက် ကျားကိုက်ကိုက်
လူမိုက်တယောက်ပဲဖြစ်ချင်လာမိတော့တယ်…..။