”လပြည့်ညစိတ်ကူး”

လှုပ်လှုပ်ရှားရှား
သွားသွားလာလာသာ မရှိခဲ့ရင်
ကမ္ဘာကြီး ဘာတွေဖြစ်နေတယ်ဆိုတာတောင်
နဲနဲလေးမှ သတိထားမိမယ့်ကောင်မျိုးမဟုတ်ဘူး
အဲဒါ…သေချာတယ်…

ကမ္ဘာကြီး လုံးလုံး ပြားပြား
ကိုယ့်လမ်းကိုယ်သွားနေရရင်တော့ ကျေနပ်ပါတယ်….

ကြားဖို့ဖြစ်လာခဲ့တဲ့ နားရွက်နဲ့
မြင်ဖို့တပ်ထားပေးခဲ့တဲ့ မျက်စိနှစ်ဖက်ရှိနေပါလျက်က
ကြားတာကို ကြားတယ်လို့မမှတ်နိုင်ခဲ့သလို
မြင်တာကို မြင်တယ်လို့လည်းမမှတ်နိုင်ခဲ့တာ
ကိုယ့်ပြဿနာနဲ့ကိုယ်
ပျားအုံကို မီးခွက်တက်ထွန်းတယ်လို့ပဲ
စွဲချက်ပိုတင်ကြဦးမှာလား…..

အခုလည်း.ကြည့်လေ
လူတွေ ကုသိုလ်ဆီမီးကပ်လှုနေကြမှ
သီတင်းကျွတ်လပြည့်ည ရောက်နေတာကို
သတိထားမိခဲ့တဲ့ကောင်
ကိုယ့်ကိုကိုယ်တောင်
ဘယ်ချောင်က ပြန်ဆွဲထုတ်ပြီး
ဘယ်စိတ်နဲ့ ဘယ်ညကိုမီးထွန်းရမှန်းမသိတဲ့ကောင်ပေါ့…

အိပ်ပျော်နေခဲ့တာမဟုတ်မှန်းတော့ သိပါရဲ့
တနေရာရာမှာ စူးရောက်နေတဲ့ စိတ်ကြောင့်သာ
”အရူးတယောက်”ဖြစ်မှန်းမသိ ဖြစ်နေမိခဲ့တာပါ….

ကဲ..
သီတင်းကျွတ်တယ်ဆိုတော့ကော
ဒဏ်ရာအရောအနှောတွေပေါ်မှာ
အထိအခိုက် အပွန်းအရှတွေသာပေါတဲ့ဘဝတွေက
ဘာတွေများ ပိုထူးပြီး
ဘယ်လိုညတွေထဲ လင်းလက်သွားကြဦးမှာမို့လဲ….

တကယ်တော့ ဒီညလည်း
သီတင်းကျွတ်ညကို
အလင်းမဲ့ဘဝနဲ့ ဆင်ယင်ကျင်းပရဦးတော့မှာပါပဲလေ..

ဖြစ်နိုင်ရင်…
၅၀၀၀တန် ငွေသားစက္ကူစစ်စစ်တွေနဲ့
၂၀၁၀ မီးပုံပျံသစ်ကြီးတခုလုပ်ပြီးတော့မှ
ရုတ်ရုတ်ရုတ်ရုတ် ဇာတ်ရှုပ်နေကြတဲ့
လူလွန်မသား တအုပ်ကို
အဲဒီ မီးပုံးပျံကြီးထဲကိုထည့်ပြီး
ကမ္ဘာ့အပြင်ဘက်ရောက်တဲ့အထိ လွှတ်ထုတ်ကြည့်လိုက်ချင်တယ်….။