”နောက်ဆုံးပေါ်ရောဂါ”

တောရောက်တောင်ရောက် အတွေးတွေကို
ညအပေါက်ထဲ ကောက်ထည့်နေမိသလိုမျိုး
မရွာပဲချုန်းနေတဲ့ မိုးတွေက မှောင်နိုင်လွန်းလှတယ်....

မနေ့တုန်းက
စိတ်ကူးနဲ့ခွစီးမိခဲ့တဲ့ လှိုင်းကြက်ခွပ်တွေက
ဒီကနေ့ကျပြန်တော့လည်း မုန်တိုင်းတွေဖြစ်နေကြပြန်တယ်....

မနက်ဖြန်ခါတရက်
အသက်မှန်မှန်ရှုနိုင်ဖို့အတွက်
ကိုယ့်အနာဂတ်ကို ကိုယ်တိုင်ဗေဒင်တွက်ရင်း
ကြိုးတန်းပေါ်မှာ လမ်းလျှောက်ကျင့်နေရတာ နောက်ဆုံးပေါ် အထာတခုဖြစ်တယ်....

ကိုယ့်ကိုယ်ကို လေထဲလွတ်ကျမသွားအောင်
ဘဝနဲ့ရင်းထားရတဲ့ ဒဏ်ရာတွေကို ဦးထုတ်တလုံးလုပ်ဆောင်ပြီး
နေပူကြီးထဲလမ်းလျှောက်ရတာလောက် ပျော်စရာကောင်းတဲ့နေ့တွေရှိနိုင်ဥိးမလား....

ကြားနေရတဲ့ အသံတွေကို
မျက်စိနှစ်လုံးပိတ်လို့ အလွတ်ကျက်မှတ်လိုက်ပြီးမှ
တလုံးချင်းပြန်အန်ချကြည့်လိုက်မိတယ် ....အဆိပ်တွေ အဆိပ်တွေ အဆိပ်တွေ...

အဲဒီအဆိပ်အတောက်တွေအတွက်
အိတ်ပေါက်နဲ့ ဖားကောက်ခဲ့ရတဲ့နေ့တွေဟာ အရိပ်တွေ အရိပ်တွေ အရိပ်တွေ
အရိပ်တွေလို
ခြောက်...........လှန့်.............နေ............ဆဲ ...............

အခု......ငါ
နေမြဲအတိုင်း နေလိုက်မိပါတယ်
အမြင်အာရုံတော်တော်များများကို ဆင်ဆာဖြတ်ပြီး
အကြားအာရုံတော်တော်များများကိုလည်း ခိုးကူးခွေအဖြစ် သတ်မှတ်ပစ်လိုက်ပါတယ်။ ။