”ရှုံးနိမ့်ခဲ့လေသူ”
ကိုယ့်ရဲ့နှလုံးသားမှာပန်းတစ်ပွင့်ကိုစိုက်
ပြီးတော့…
အဲဒီပန်းပွင့်ကိုဘဲမင်းကအပြီးပြန်သိမ်းပိုက်ရက်လေခဲ့…

ပေါ့ပေါ့လေးချစ်စကားပြောတတ်ပြီး
ပေါ့ပေါ့လေးတွေးတတ်သူရဲ့မာယာပင်လယ်ထဲမှာ
ခဏတဖြုတ်နစ်မြောသွားတာတောင်မှ
ရခဲ့မိတဲ့အနာကမကျက်သေးဘူး
နှလုံးသားမှာဆူးစူးသလိုနာကျင်ခံခက်
မင်းရက်စက်ခဲ့တယ်လို့လည်းမစွပ်စွဲချင်တော့ဘူး
ကိုယ်သာရုးမိုက်စွာရှုံးနိမ့်ခဲ့ရသူပါ…

ကိုယ်ဟာ…
ဘာမြူဒါတြိဂံထဲမှာလမ်းပျောက်သွားသူလိုမျိုး
ကိုယ်ဟာ..
မုသားကဗျာတစ်ပုဒ်ကိုဖတ်ခဲ့ရသူလိုမျိုး
ကိုယ့်ရဲ့နာရီတွေအားလုံးလည်းခိုးယူခံခဲ့ရ…

နေ့ညမရှိတော့တဲ့ကိုယ့်ရဲ့ဘ၀မှာ
မင်းမျက်နှာကိုကဗျာဖတ်ခဲ့ဖူးတဲ့အချိန်တွေကိုလည်းပြန်မတမ်းတချင်တော့
ခေါင်းလည်းမမော့ချင်တော့ဘူး..မင်းမျက်နှာကိုမော်ဖူးဖို့
ခေါင်းလည်းမငုံ့ချင်တော့ဘူး..ရူးသွပ်စွာနဲ့မင်းပါးပြင်ကိုနမ်းရှိုက်ဖို့…..

မေ့ဆေးမပါဘဲ အစိမ်းလိုက်အခွဲခံခဲ့ရတဲ့အသည်း
ရဲရဲနီစရာသွေးလည်းမရှိတော့
မင်းမော့သောက်သွားတဲ့ကိုယ့်ရဲ့နှလုံးသွေးတွေထဲမှာ
အချစ်ရဲ့ဆဲလ်တွေအကုန်ပါသွားခဲ့လေပြီ
မမြင်ကွယ်ရာမှာမင်းခေါင်းမော့ပြီးရယ်ရင်လည်းရယ်နိူင်တယ်
တကယ်တော့…ကိုယ်သာရှုံးနိမ့်ခဲ့သူပါကွယ်….