”မှန်တချပ်အပေါ်ထားမိတဲ့ သံယောဇဉ်”
ပလေတိုရဲ့ မှန်ကိုလည်း
ရိုက်မခွဲရဲခဲ့ပါဘူး
ကိုယ့်ဒူးနဲ့ ကိုယ်လျှောက်ရင်း
ကိုယ့်လေသာ ပြတင်းပေါက်မှာ
လတစင်းလောက် သာစေဖို့တွက်တော့
မျက်စိနှစ်ဖက်ထဲမှာ ဒီဂရီတချို့ကိုသွင်း
ပန်းခင်းထဲ လမ်းဆင်းလျှောက်ခဲ့ဖူးပါတယ်…

သတ္တကမ္ဘာမှာ
အဗ္မုတရသတွေကများသလောက်
ကိုယ့်ခြေထောက်တွေက
ကိုယ့်မျက်စိအောက်က ပျောက်ဆုံးသွားတဲ့အခါ
ဘယ်ထုံးနဲ့မူရမှန်းမသိနိူင်ခဲ့တဲ့ နှလုံးသား
ပင်လယ်ရပ်ခြားတနေရာမှာလည်း အပျင်းဖျားခဲ့ဖူးပါတယ်….

လူတကာပွင့်အံထွက်သမျှ စကား
တခါတလေ နားအဟောင်းနဲ့ကြားပြီး
တခါတလေမှာတော့
နှလုံးသားအကောင်းနဲ့ ကြားခဲ့မိပါတယ်….

နားရှိသ၍
နှလုံးသားရှိသ၍
တစုံတခုပေါင်းများစွာကို
ကြားသိ ခံစားနေနိူ်င်သေးသလို
ယုံတမ်းစကားဟောင်းတွေထက်
ကိုယ့်လက်ဖျံနှစ်ချောင်းကို
သတင်းကောင်းဖြစ်အောင် ဖန်ဆင်းနိူင်ခဲ့ဦးမယ်ဆိုရင်…
အသင်.လောက
ကျုပ်ဘယ်ကောင်းကင်ဘုံကိုမှ မရောက်ချင်သေးဘူး
ကိုယ့်တရားဦးကို ကိုယ်ပိုင်နားနဲ့ကြားပြီး
ကိုယ်ပိုင်နှလုံးသားနဲ့ နာခံလိုက်ချင်သေးတယ်…။