”ကမ္ဘာမကြေဘူး”

စိတ်တခုနဲ့ကြိုးတုပ်ထားတဲ့ ခန္ဒာရုပ်ကို
ကွပ်လပ်တခုထဲမှာ အချိုးကျအောင်ထည့်
မှန်တချပ်ကို တည့်တည့်ကြည့်လိုက်မိတော့
ကိုယ့်ကိုစိုက်ကြည့်နေတဲ့သူရဲ့ မျက်ဝန်းတွေထဲမှာ
ဆယ်စုနှစ်နှစ်ခုစာ ဒိုင်ယာရီစာတရွက်
နီစွေးစွေးသွေးစက်လက်နဲ့ လတ်ဆတ်နေဆဲ….

စာရွက်ထဲမှာ…
ကိုယ့်ဝိဥာဉ်ခန္ဒာကြွေသည်အထိ
ထာဝရတည်တံ့ တည်ရှိနေမယ့်စာတကြောင်း
ရဲရင့်ပြတ်သားစွာ စိန်ခေါ်ရင်းလက်ခမောင်းခတ်လို့နေ
”ကမ္ဘာကြေသော်လည်း ဥဒါန်းမကြေ”….။ ။