”အတွင်းကြေ”

သူလိုကိုယ်လိုဘဝတွေထဲမှာတောင် ကြပ်ကြပ်တည်းတည်း
ငါတို့ဖယောင်းတိုင်တွေကျမှ မီးတောက်ကမစွဲဘူး
ကံကောင်းခြင်းဆိုတဲ့ ငနဲသားကလည်း
ခေတ်စကားအရပြောရရင် ”ပဲ”သိပ်များတဲ့အကောင်
ဝင်လာရင်ခဏ ထွက်သွားရင်ပြန်ပေါ်မလာ
ပျောက်ချက်က ဘာမြူဒါမှာစုံးစုံးမြုပ်တဲ့လိပ်တကောင်လိုမျိုး
ကံဆိုးခြင်းတွေကသာ မိုးမှောင်ခြင်းနဲ့ပေါင်း
ငါတို့ဘဝဂိုးတိုင်တည့်တည့်ကိုမှ တဂိုးပြီးတဂိုးသွင်းထည့်ကြတယ်….

ဒီလိုပါပဲ
ဟိုယောင်ယောင် ဒီယောင်ယောင်နဲ့
အရောင်မပြောင်တဲ့ နေ့ပေါင်းထောင်ချီဖြတ်သန်း
တောင်ကိုမှန်းပြီးစမ်းလျှောက်နေရတဲ့ခြေထောက်တွေက မြောက်ကိုရောက်နေ
ကိုယ့်ခြေထောက်နဲ့ကိုယ့်လမ်း ပဋိပက္ခဖြစ်နေရတဲ့ဘဝ
ကိုယ့်ရာစုမှာဇောက်ထိုးကျတဲ့ဂျောက်ကမှ တမင်ရွေးပြီးနက်ရတယ်လို့
”အင်း” ဘယ်လို အာမေဋိတ်မျိုးကို ရေရွတ်ရမယ်တောင်မသိ
ဒါနဲ့ပဲ ”တချို့”ဆိုတဲ့တချို့ကို ”မြို့”အမည်ခံတဲ့မြို့တမြို့ကနေ
တိတ်ဆိတ်စွာခြေရာခံကြည့် အကောင်းမြင်ဝါဒနဲ့ဟောဒီလိုသိလိုက်ရတယ်…

တချို့က မမြင်နိူင်တဲ့ ငရဲကိုမကြောက်ကြတော့
ထင်သာမြင်သာတဲ့ငရဲမှာ ကိုယ်ဖော့ပညာနဲ့လမ်းလျှောက်
အဝီဇိကိုဗီဇာမပါပဲ ကမ္ဘာတပတ်ရောက်ကြတယ်….

တချို့က လျှပ်တပြတ်စိတ်ယာဉ်ကို ဘရိတ်မပါပဲမောင်း
ကိုယ်ရည်သွေး လမ်းကြောင်းတွေတောင်းတောင်းပြီး
ဓာတ်ပြားဟောင်းတီးလုံးကြီး လှည်းလုပ်လုပ်စီးကြတယ်…

တချို့က အစာပြေအာရုံကို ကာမဂုဏ်ပန်းကုံးတွေတိတ်တိတ်ခိုးချိတ်
လူရှေ့ရောက်ရင် ဂုဏ်တော်ပုတီးတွေစိတ်စိတ်ပြ
သြကာသနဲ့ဦးသုံးကြိမ်ချပြီး ဘုရားကိုတောင်မျက်လှည့်ပြကြတယ်….

တချို့က ကမ္ဘာမကြေတေးကို မျက်လုံးမှာတံတွေးဆွတ်ရွတ်ဆို
ပါးစပ်အော်စကာအက်ရှင်နဲ့ လက်တမ်းပုံပြင်လုပ်ငိုကြ
ဂိုးမသွင်းပဲခြေထောက်ရိုက်ချိုးတဲ့ ဘောလုံးပွဲကိုပဲဇွဲနဲ့ကန်ကြတယ်….

တချို့က စိတ်မေ့ဆေးကို နှစ်ပြားတပဲစည်းစိမ်နဲ့ရောထိုး
ကိုယ့်ဂိုးကိုယ်သွင်းပြီး အကောင်းဆုံးရွှေတံဆိပ်ဆုကိုယူ
ရာဇမတ်ထူသဲဖြူခင်း ရွှေနားတော်သွင်းသီချင်းတွေနဲ့ အပျင်းဖြေကြတယ်….

တချို့က ဖျာတလိပ်ကိုခေါင်းပေါ်တင် ပွဲခွင်တိုင်းဝင်ခင်း
ကိုယ့်လှေကို သူများတက်နဲ့လှော်နင်းတော့
ဘယ်နေရာပဲရောက်ရောက် မတ်တပ်အိပ်ပျော်လမ်းပျောက်နေကြတယ်…..

စသဖြင့် စသဖြင့်…အဆုံးမရှိသော
မယုံကြည်နိူင်စရာ အကြောင်းအရာများကသာ
ယုံကြည်မှုရင်ဘတ်ဟောင်းထဲထိုးခွဲစိုက် ကျည်ဆံရထားလိုဝုန်းဒိုင်းကျဲဝင်လာခိုက်
စိတ်ကြယ်သီးကိုဖြုတ်လို့ ရင်ဘတ်တောအုပ်ကိုငုံ့ကြည့်လိုက်မိတယ်
ဒီတခါဖြစ်တဲ့ဒဏ်ရာက…အရင်အခါပေါင်းများစွာရလိုက်တဲ့ဒဏ်ရာလိုပဲ…
တဖြည်းဖြည်းနဲ့ ………………………အတွင်းကြေ
တဖြည်းဖြည်းနဲ့ ……………………………………….အတွင်းကြေ
တဖြည်းဖြည်းနဲ့ …………………………………………………....အတွင်းကြေ…။