”နာရီများကို တီးခတ်ခြင်း”

ကဗျာတွေပျောက်နေတဲ့ နေ့တွေမှာ
ကိုယ့်ကိုကိုယ်လည်း ရှာလို့မတွေ့ခဲ့ပါဘူး
ခုတလောတွေက
အရင်တလောတွေထဲက ခွဲထွက်ခြားနား
မနက်ညနေ စိတ်တွေဗျာများနေတယ်….

ထို့ကြောင့်…တို့ကြောင့်…ဘာ့ကြောင့်များ
ကြောင့်ကြမှု ဓားသွားတွေထက်
သောကရောင်လက်နေကြတဲ့ နေ့ရက်တွေမှာ
ကိုယ့်နာမည်ခေါ်သံတွေကိုတောင်
ကိုယ်တိုင်ပြန်ခါးသက်နေမိပြန်တယ်…

အတ္တမှာယဉ်ပါး
မာနသူရာရည်မှာ တောက်စားနေခဲ့တဲ့
မေ့လျော့ခြင်းလျှာကိုဖြတ်လို့
သစ္စာကောင်းကင်ပေါ်ကိုတက်ဖို့
ကိုငှက်ရဲ့ ”ညီလေးရေ”သီချင်းတပုဒ်ကို
စိတ်နှလုံးနဲ့ ဟစ်ထုတ်ခဲ့ဖူးတဲ့အတိတ်
အခုတော့…
ပစ္စုပ္ပန်နဲ့စီးချင်းထိုးနေရတဲ့
ခေတ်ပေါ်ယန္တရားတွေရဲ့ အရိပ်မှာ
ကွဲကြေ တိတ်ဆိတ်နေရော့သလားမသိ….

တကြိမ်တခါမှောက်မှားမိခဲ့ရင်….
တဖက်ဖက်ကို လက်ညှိုးထိုးကြည့်လို့ရနိုင်ပေမဲ့
အကြိမ်ကြိမ်အခါခါမှောက်မှားမိရင်
ကိုယ့်လက်ညှိုးနဲ့
ကိုယ့်ဖက်ကိုယ်ထိုးကြည့်ရလိမ့်မယ်…

ကိုယ့်ကြပ်တည်းမှုကို
ကိုယ့်အတ္တနဲ့ကိုယ်ပြန်ယက်ဖောက်နေမိတဲ့
နေ့ရက်ထီးထီးတွေအောက်မှာ…
တခါတုန်းကဆိုတာတွေကို
ပြောနေဆိုနေကြမိရင်းက
နောက်ထပ်…တခါတုန်းကဆိုတာတွေ
ထပ်တလဲလဲထပ်ဖြစ်သွားမှာကိုလည်း
ခြောက်ခြားနေမိလို့...ခြောက်ခြားနေမိလို့…..

ဒီနေ့..ကိုယ့်မြေယာမှာ ခေါင်နေတဲ့မိုး
ကိုယ့်ကြမ်းကြားက တိုးနေတဲ့လေ
ကိုယ့်အိမ်ခေါင်ကို ဖောက်ထွက်နေတဲ့နေအတွက်
စိတ်ပျက်ခြင်းသွေးတွေကို ဖောက်ထုတ်ပြီး
စည်းလုံးမှုလက်ချောင်းတွေနဲ့
အာဏာခလုတ်မောင်းတွေကို ရိုက်ဖြုတ်ချိုးဖို့
ခြောက်ကြိုးနာရီကို ကဗျာသီညှိတီးခတ်လိုက်မိတယ်……။