”အမေ့ရဲ့သား..ပျောက်ဆုံးစာရင်းဝင်သွားတယ်”

ဆင့်ပွားခံစားချက်တွေနဲ့
ရင်ခွင်ဗလာပေါ်ကို
ကဗျာမျိုးကျဲနေရတာ
နှစ်တရာ အမာရွတ်ပေါ်မှာ
ဆေးပြန်ဆွတ်နေရသလိုပါပဲ အမေရယ်..

ဒီမှာ….
လေထဲကတဆင့် ပြန်အန်လွင့်ကျလာတဲ့
လောကဓမ္မတွေကို ပင့်သက်နဲ့နာကြားရ
နာနာကျင်ကျင် သီချင်းစာသားတွေကို
ဗလာတရားမဲ့သူလို ခံစားရနဲ့
ကိုယ်ပိုင်စကားလုံးတွေကျတော့
သုံးမရတဲ့ ဟောဒီ လက်ရှိဘဝလိုပဲ
ချို့တဲ့လှချည်ရဲ့ အမေ...

ထွေရာလေးပါး
အလန်းတရားလေးတွေနဲ့ ပွားဖို့
ဝေါဟာရအသစ်တွေနဲ့ ကစားဖို့
လေပြေလေညင်းမရှိ
မြေပင်မြေရင်းမရှိတဲ့
ဟောဒီ နိုင်ငံရပ်ခြားရပ်ကွပ်တခုဟာ
သားအတွက်တော့
ဆန်းသစ်မှုနေကွယ်တဲ့ တောင်စွယ်ပဲ အမေ..

အမေ့သားမိုက်က
နိုင်ငံမှားပြီး လမ်းသလားလိုက်မိသူဆိုတော့
တချို့နေရာတွေမှာ
အထူအပါးလည်း နားမလည်သူ
အရွယ်မတူတဲ့ ယဉ်ကျေးမှုနဲ့ အံမဝင်ခွင်မကျ
လေးဘက်နာကျနေတဲ့
ပန်းနာသည်လိုဘဝနဲ့
ဒုက္ခချောင်းတွေ တဟွတ်ဟွတ်ဆိုးရင်း
အမေပြန်ခင်းပေးမယ့်
နံနက်ခင်း မြေနီလမ်းကလေးကိုပဲ
မျက်ရည်ဝဲရုံမက မျှော်လင့်နေခဲ့ရပေါ့ အမေ...

ဟိုးတရံတခါဆီက
အမေပျောက်ဆုံးသွားခဲ့ရဖူးတဲ့...
လွန်လေပြီးသော နှစ်တွေဆီက
အမေလိုက်ရှာခဲ့ဖူးတဲ့
အမေတသသနဲ့ လွမ်းဆွတ်ခဲ့ရဖူးတဲ့...
အမေ့ရဲ့ တန်ဖိုးမဖြတ်နိုင်လှတဲ့
ဟောဒီ ပစ္စည်းကလေးဟာလေ...

ဒီမှာ..
အခုတော့လည်း
ရောင်းပမ်းမလှတဲ့
အဟောင်းတန်းညတွေပေါ်မှာ
ကိုယ့်ကိုကိုယ် အဟောင်းဈေးနဲ့တင်ရောင်းရင်း
ပျောက်ဆုံးစာရင်းဝင်နေခဲ့ရပါပြီ အမေရယ်…..။ ။