”ကြိုးတွေဖြတ်ပစ်လိုက်တယ်”
မသိမသာနဲ့ ရင့်ရော်လာလို့
ကြည့်ပျော်ရှုပျော် ကျန်နေသေးတဲ့
မျက်နှာရုပ်ကို ဟန်လုပ်ရင်း
သိသိသာသာ ရှင်းလင်းထင်ဟပ်ပြနေတဲ့
ကြည့်မှန်တချပ်ရဲ့ အပေါ်မှာ
စိတ်တချို့နဲ့ပေါင်း..ပြီးတော့
အရည်ဖျော်ပြီး လောင်းချကြည့်လိုက်တယ်…

ခေါင်းပေါ်မှာ အနေကြာလာတဲ့
ကေသာတချို့ကတော့
အမှုတွေပွေလွန်းလို့
အနူပေါ် အရင့်တက်
တဖြေးဖြေးနဲ့ အဖြူဘက်သန်းလာသလို
ပါး နား သားရေတွေဟာလည်း
ကာလတိုက်စားမှုတွေကြောင့်
ပဲ့ပြိုလာတဲ့ ကမ်းပါးအိုလို
ယိုင် နဲ့ လဲပြို…

ညိုနေတဲ့ မျက်ဝန်းတွေပေါ်မှာတော့
ကွက်လပ်တခုဟာ
အရင်အတိုင်း မှိုင်းပျပျ
ကယ်တင်မယ့်သူကို မျှော်နေပုံရတယ်…

တကယ်ဆိုရင်
ကယ်တယ်ရှင်ဆိုတာ
မေခလာလည်း မဟုတ်သလို
ဂေါတမလည်း မဟုတ်လေဘူး
ကိုယ့်ဒူးခိုင်မှ
မယိုင်အောင် လျှောက်နိူင်မယ့်
ကိုယ့်ရဲ့ ခြေထောက်တွေအတွက်
ဘာတွေကို ရက်စက်တယ်လို့ အပြစ်ဖို့နေရဦးမှာလဲ
အဲဒီ ဆွဲဖြဲခံထားရတဲ့
ကံကောင်းခြင်းဆိုတဲ့ စာမျက်နှာများစွာကို
နေညိုတဲ့အထိ ထိုင်စောင့်ဖတ်နေမယ့်အစား
ကိုယ့်ကိုကိုယ် ကိုယ့်လက်ထဲမှာပဲ
ကိုယ့်ရဲ့သွေးနဲ့ စတေးရင်း
အသိမ်အဖျင်းတောမှာ အတင်းပြောနေကြတဲ့
သတင်းအမောတွေထဲက ရုန်းထွက်ရင်း
ကိုယ့်ကိုကိုယ် ကိုယ့်လက်ထဲ ဝကွပ်အပ်နှင်းလိုက်တယ်….။